Арнайы мүмкіндіктер
Жүйеде әртүрлі кемістіктері мен ерекше мұқтаждықтары бар пайдаланушыларды қолдауға және кең таралған көмекші құрылғылармен әрекеттесуге арналған көмекші технологиялар бар. Көптеген арнайы мүмкіндіктерге оңай қол жеткізу үшін жоғарғы панельге арнайы мүмкіндіктер мәзірін қосуға болады.
Көру кемістіктері
Зағиптық
- Экранды Брайль қарпімен оқу — Orca экрандық оқу бағдарламасын жаңартылатын Брайль дисплейімен пайдаланыңыз.
- Экранды дауыстап оқу — Пайдаланушы интерфейсін дауыстап оқу үшін Orca экрандық оқу бағдарламасын пайдаланыңыз.
Нашар көру
- Контрастты баптау — Экрандағы терезелер мен батырмаларды көруге ыңғайлы болу үшін оларды айқынырақ (немесе азырақ айқын) етіңіз.
- Пернетақта курсорын жыпылықтайтын қылу — Кірістіру нүктесін жыпылықтайтын қылу және оның қаншалықты жылдам жыпылықтайтынын басқару.
- Экран аймағын үлкейту — Нәрселерді көруге ыңғайлы болу үшін экранды масштабтаңыз.
- Экрандағы мәтін өлшемін өзгерту — Мәтінді оқуға ыңғайлы болу үшін үлкенірек қаріптерді пайдаланыңыз.
Есту кемістіктері
- Ескерту дыбыстары үшін экранды жыпылықтату — Ескерту дыбысы ойналғанда экранның немесе терезенің жыпылықтауы үшін визуалды ескертулерді іске қосыңыз.
Қозғалыс кемістіктері
Тышқан қозғалысы
- Сандық блок көмегімен шерту және тышқан курсорын жылжыту — Тышқанды сандық блок арқылы басқару үшін тышқан пернелерін іске қосыңыз.
- Тышқан мен тачпад жылдамдығын реттеу — Тышқанды немесе тачпадты пайдаланған кезде курсордың қозғалу жылдамдығын өзгертіңіз.
Шерту және сүйреу
- Тышқанның оң жақ шертуін имитациялау — Оң жақ шерту үшін тышқанның сол жақ батырмасын басып тұрыңыз.
- Қос шерту жылдамдығын реттеу — Қос шерту үшін тышқан батырмасын екінші рет қаншалықты жылдам басу керек екенін басқарыңыз.
- Үстіне апару арқылы шертуді имитациялау — Үстіне апарып шерту (кідірту арқылы шерту) мүмкіндігі тышқанды қозғалтпай ұстап тұру арқылы шертуге мүмкіндік береді.
Пернетақтаны пайдалану
- Баяу пернелерді іске қосу — Перне басылғаннан кейін оның әрпі экранда көрінгенге дейінгі кідірістің болуы.
- Жабысқақ пернелерді іске қосу — Пернетақта жарлықтарын барлық пернелерді бір уақытта басып тұрмай, әр пернені кезекпен басып теріңіз.
- Пернетақтамен навигация — Қолданбаларды және жұмыс үстелін тышқансыз пайдаланыңыз.
- Экрандағы пернетақтаны пайдалану — Батырмаларды тышқанмен немесе сенсорлық экранмен шерту арқылы мәтінді енгізу үшін экрандағы пернетақтаны пайдаланыңыз.
- Қайталанатын пернелерді іске қосу — Бір перненің қайта-қайта жылдам басылуын елемеу.
- Қайталанатын пернелердің басылуын басқару — Пернені басып тұрғанда пернетақта әріптерді қайталамайтын етіп жасаңыз немесе қайталанатын пернелердің кідірісі мен жылдамдығын өзгертіңіз.