Prozesadorearen hardware-birtualizazioa erabiltzea

Zure ordenagailuak prozesadore bidezko birtualizaziorako hardware-hedapenak onartzen dituen jakiteko, eta sistemaren BIOSean gaitu direla ezagutzeko, exekutatu honako komandoa terminal batean:

gnome-boxes --checks

Zure sistemako birtualizazioa gaitzeko:

  1. Berrabiarazi sistema eta ireki BIOS menua

  2. Hautatu Leheneratu lehenetsiak aukera eta, ondoren, Gorde eta irten

  3. Berrabiarazi eta ireki berriro BIOS

  4. Ireki Prozesadorea azpimenua Txipseta, PUZ konfigurazio aurreratua edo Northbridge sekzioan

  5. Gaitu Intel Virtualization Technology (Intel VT) edo AMD-V, prozesadorearen markaren arabera. Birtualizazio-hedapenek honako etiketa eduki dezakete: Virtualization Extensions, Vanderpool edo beste izenen bat, fabrikatzailearen eta sistemaren BIOSaren arabera

  6. Gorde eta irten

  7. Berrabiarazi eta exekutatu: cat /proc/cpuinfo | grep vmx svm

Irteeraren bat badago, birtualizazio-hedapenak gaituta daudela esan nahi du. Irteerarik ez badago, agian zure sistemak ez ditu birtualizazio-hedapenak edo ez da BIOS ezarpen zuzena gaitu.