Egin makina baten babeskopia edo aldatu lekuz

Bi osagai behar dira makina baten babeskopia egiteko edo lekuz aldatzeko: irudi-fitxategia eta makinaren konfigurazioa XML gisa gordeta. Konfigurazioa gordetzeko, libvirt edo libvirt-client paketeko virsh komandoa erabili behar da.

  1. Termalaren leiho batean, idatzi

    virsh dumpxml Izena > Izena.xml

    non Izena zure makinaren Makinak izena edo domeinua den. Makinak ikusten dituen domeinuak zerrendatzeko, idatzi

    virsh -c qemu:///session list --all

  2. Kopiatu sortu berri duzun .xml fitxategia zure babeskopiara edo behin-behinko biltegiratze-kokapenera.

  3. Kopiatu irudi-fitxategia zure babeskopiaren edo aldi baterako biltegiratze-kokalekura. Zure makinaren domeinu-izena duen fitxategi bat izango da, .qcow2 amaiera duena, ~/.local/share/gnome-boxes/images/ kokalekuan kokautakoa.

Leheneratu makina bat

Gordetako makina ostalari-makina berri batean instalatu daiteke Makinak aplikazioan, edo jatorrizko makinan hondamendi baten aurrean berreskuratzeko lanetan.

  1. Irten Makinak aplikaziotik.

  2. Kopiatu .qcow2 zure babeskopiaren edo aldi baterako biltegi-kokalekuaren irudi-fitxategia kokaleku berriaren ~/.local/share/gnome-boxes/images/ direktorioan.

  3. Terminal batean, joan gorde duzun .xml fitxategia duen direktoriora edo gailura. Idatzi

    virsh define Izena.xml

    non Izena zure makinaren domeinua den.

  4. Abiarazi Makinak.