Shënimet e lëshimit të GNOME 2.14

Ashtu sikurse kujdeseni ju për makinën tuaj, inxhinierët tanë të aftë janë përpjekur të sistemojnë pjesën më të madhe të GNOME për të qenë sa më e shpejtë të jetë e mundu. Përbërës të rendësishëm të ambientit GNOME janë tashmë në menyrë të dukshme shumë më të shpejtë, përfshirë vizatimin e tekstit, përcaktimin e memorjes, dhe shumë aplikativë të veçantë. Vizatimi më i shpejtë i gërmave dhe caktimi i memorjes përmirëson të gjithë aplikativët e bazuar n GNOME dhe GTK+ pa qenë nevoja të rikompilohen.

Disa aplikativëve u është kushtuar një kujdes i veçantë për tu siguruar që të japin rendimentin maksimal. Terminali GNOME, emulatori i terminalit për ambientin GNOME, është optimizuar në menyra të ndryshme për ta bërë më të shpejtë dhe, në të njëjtën kohë, për të konsumuar më pak rezerva. Shikuesi i mesazheve të sistemit i GNOME tani niset mbi 20 herë më shpejt se më parë.

Figura 1 Përmirësimi i rendimentit të terminalit të GNOME midis GNOME 2.12 dhe 2.14. Koha e marrë është koha për të shfaqur në ekran një listë me të gjithë fjalët angleze.

Figura 2 Përmirësimi i rendimentit të shikuesit të log midis GNOME 2.12 dhe 2.14. Koha është marrë për të nisur aplikativin dhe për të lexuar një file lig prej 2.9MB.

Përgjegjësi i file të GNOME, Nautilus, tani afron një interfaqe të fuqishme kërkimi e shfrytëzueshme duke shtypur (Ctrl-F) në desktop ose tek dritarja e përgjegjësit të file.

Figura 3 Kërkimi me Nautilus

Kërkimet thuren me lehtësi dhe mund të ruhen në një kartelë në hapësirën e punës. Kërkimet e ruajtura mund të hapen si një kartelë në një ditë tjetër.

Nëse ndodhet në dispozicion struktura e kërkimit të Beagle, Nautilus do të përfitojë prej saj për kërkime më të shpejta dhe më të sakta.

Shletuesi i ndihmës i GNOME përfshin gjithashtu veçori të reja për të kërkuar ndihmën dhe dokumentimet e instaluar në makinën tuaj. Tani mund të lexojë si GNU Info ashtu dhe UNIX manpages tardicionale, sikurse dhe dokumentimet e kualitetit të lartë të GNOME, ka mundësi të kërkojë shumicën e dokumenteve të përfshirë në sistemin tuaj me shumë shpejtësi.

Figura 4 Kërko Ndihmë, shfaq files GNU Info dhe lexo manpages

Sikurse me përgjegjësin e file, përdoruesit që kanë në dispozicion strukturën e kërkimit Beagle do të jenë në gjendje t'a përdorin për kërkime më të shpejta dhe më të sakta.

Ekiga, më parë njohur si GNOME Meeting, është një klient zë dhe video-over-IP për GNOME. Ekiga suporton së bashku protokollet SIP dhe H323. SIP, një protokoll i përhapur i përdorur në Google Talk, Asterisk, dhe shumë dispozitivë VoIP software dhe hardware, është e reja e fundit e shtuar tek Ekiga. H323 është një protokoll i vjetër komunikimi, i përdorur tek Microsoft Netmeeting dhe disa hardware telekomunikimi.

Ekiga karakterizohet gjithashtu nga suporti STUN për të lejuar kalimin midis shumë llojesh firewalls, përfshirë Network Address Translating (NAT) firewalls. Kjo do të thotë që mund të përdorni Ekiga për të kryer dhe marrë thirrje pa patur një adresë IP publike apo përcjelljen e portave nga router-i juaj.

Figura 5 Kryerja e një bisede SIP me Ekiga

Përdoruesit kanë gjithashtu mundësi të krijojnë një profil me Ekiga.net që do t'i paisë me një adresë SIP që mund të përdorin në internet për dërguar apo pranuar thirrje nga kushdo.

Shumë karakteristika të tjera janë shtuar tek Metacity për të përmirësuar trajtimin e dritareve. Kornizat e dritareve tani kanë një thithje manjetike, duke bërë kështu të mundur "klikimin" e dritareve së bashku. Është përmirësuar trajtimi i multi-monitorëve në Metacity. Metacity tani përpiqet të zhvendosë dritaret që duhen të shfaqen në një bord monitori nën një monitor ose një tjetër.

Për të ndihmuar administratorët dhe përdoruesit e më shumë se një makine nga i njëjti server X, emri i host i dritareve që nuk janë në ekzekutim në lokal do të shfaqet tek shtylla e titullit. Kjo karakteristikë ndihmon në menyrë të veçantë kur ndryshohen rregullimet grafikisht në makinë për tu siguruar që jeni duke ndryshuar konfigurimin e makinës së duhur.

Figura 6 Ekzekutimi i një dritare identike në lokal dhe në distancë

Një e re tjetër në GNOME është Deskbar. Përdoruesit ekspertë, entuziastët e tastierës dhe përdoruesit e komandave në rresht të panelit të vjetër do ta gjejnë këtë zëvendësim tepër të fuqishëm dhe të lehtë në përdorim. Deskbar përdor plugins (të shkruar në Python) për të afruar funksione kërkimi për programe, files, kartela, libërshënues, kontakte e shumë të tjera. Deskbar mund të përdorë gjithashtu kërkimet direkte të Google Live, Yahoo dhe Beagle.

Figura 7 Duke kërkuar për 'gnome'

Deskbar mund të përdoret si në modalitetin në-panel, ashtu dhe në modalitet të palosur për përdorim në panelë vertikalë apo panelë me pak hapëesirë të lirë. Për të kërkuar thjesht shtyp (Alt-F3) dhe shkruaj disa fjalë. Gjithashtu mund të shfletohen apo të kërkohet në kronollogjinë e komandave.

Janë kryer shumë përmirësime të reja në sistemin e hyrjes (GDM). Rritja e rendimentit që vihet re në ambientin e punës ka gjetur rrugën e saj edhe nën sistemin e hyrjes. Eshtë shtuar një pulsant i ri i përmirësuar "Opsione" në dritaren e hyrjes që mundëson arritjen e shpejtë tek funksionet e ndryshëm të hyrjes. Një karakteristikë e re "siguria remote" është shtuar në menyrë që përdoruesit të mund të lidhen me një server X në menyrë të thjeshtë dhe të sigurt. Pamja e dritares së hyrjes është gjithashtu përmirësuar duke lejuar personalizim të mëtejshëm nga ana e përdoruesit.

Figura 8 Tani është më lehtë se kurrë ndryshimi i preferimeve të hyrjes në dritaren e re të krejtësisht të rivizatuar të preferimeve të GDM.

Shënim: File i përdorur nga përdoruesit për të përcaktuar rregullimin e konfigurimit personal të GDM ka ndryshuar nga /etc/gdm/gdm.conf tek /etc/gdm/custom.conf. Për informacione të tjera vizito faqen e Projektit GDM.

GNOME 2.14 përfshin suportin për kalimin e shpejtë nga një përdorues tek tjetri nëpërmjet ambientit të punës. Si dialogu i daljes ashtu dhe ai i zhbllokimit afrojnë opsionin për të kaluar në një përdorues tjetër. Një menu mund të shtohet gjithashtu në panel duke mundësuar hyrje të shpejtë tek dialogu i shkëmbimit të përdoruesit.

Figura 9 Shkëmbimi i shpejtë i përdoruesit nga paneli

Figura 10 Shkëmbimi i përdoruesit nga një senacë e bllokuar

Një karakteristikë e re në Evolution 2.6 është kalendari i përbashkët over CalDAV. Protokolli i kalendarit të përbashkët CalDAV shfrytëzohet nga një numër serverësh groupware përfshirë serverin e lirë Hula.

Figura 11 Shikimi i një kalendari të përbashkët nga Hula

Shfletuesi Web Epiphany vazhdon ta bëjë më të thjeshtë shfletimin e "world wide web" gjithmonë e më të thjeshtë. E re në këtë version është strukturimi automatik i gjerarkive të libërshënimeve. Kjo redukton vështirësinë e trajtimit të koleksioneve të mëdhenj libërshënuesis, por ruan sistemin e thjeshtë bazuar sipas argumentit të libërshënimeve në Epiphany. Temat tani janë shumë më të lehta për tu zgjedhur dhe krijuar; Epiphany do t'ju propozojë temat duke u mbështetur në përdorimin e kryer.

Figura 12 kontroll i përmirësuar libërshënuesve dhe stilit

Gjithashtu në këtë version suportohet stili i përcaktuar nga përdoruesi, duke afruar açesibilitet të përmirësuar dhe kontroll nga ana e përdoruesit mbi paraqitjen e faqes. Mbrapa "perdeve" tani Epiphany mund të përdorë Firefox, Mozilla apo XULRunner s backend. Nëse përdorni NetworkManager, Epiphany do të jetë në gjendje të zbulojë automatikisht konfigurimin e rrjetit tuaj.

Gedit vazhdon të afrojë përdorshmërinë e një editori të thjeshtë teksti me të gjitha karakteristikat që ju nevoiten për të për të zhvilluar aplikativë ose site web. Karakteristikat e Gedit 2.14 përfshijnë trajtimin e përmirësuar të dokumentëve shumëfish dhe shkrimin në files në distancë. Për shembull Gedit tani lejon pa shtesa shfletimin dhe shkrimin e directories SFTP, FTP dhe WebDAV direkt nga shfletuesi i file. Është përmirësuar gjithashtu vënia në pah e sintaksës së HTML, PHP, PSP e shumë më tepër. Këto karakteristika e bëjnë Gedit një editor teksti të plotfuqishëm që mund të trajtojë të gjithë aktivitetet që mund t'i nevoiten një përdoruesi.

Figura 13 Gedit mund të trajtojë burime të ndryshme files me lehtësi, duke i hapur dhe ruajtur në lokal ose në rrjet

Çshtë e re gjithashtu mundësia e shkrimit të plugins për Gedit në Python. Kjo jep mundësinë e zgjerimit dhe personalizimit me lehtësi të funksionalitetit të Gedit, edhe po të mos jeni një programues i fortë. Disa plugins të dobishëm që përfshihen në Gedit janë ekzekutimi i komandave të jashtme, suporti i plotësimit sipas tags, dhe një konsolë interaktive Python.

Figura 14 Dritarja e dialogut të plugins duke shfaqur pronësitë për shtojcën "Komanda të Jashtme"

Shikuesi i figurave i GNOME tani ka një shtyllë të re instrumentesh për lundrim. Tani kur hapni një figurë, mund të shihni me lehtësi figurat nga e njëjta kartelë.

Figura 15 Lundrim i thjeshtë midis figurave të së njëjtës directory

GNOME tani është paisur me një ruajtës ekrani të integruar. Ruajtësi i ekranit i GNOME është kompatibël me "hacks" e njohur Xscreensaver, por ka gjithashtu disa karakteristika të reja që nuk gjenden tek Xscreensaver. Aplikativët që shkëmbejnë informacione me Ruajtësin e ekranit të GNOME do të jenë në gjendje të komunikojnë me të për të caktuar pronësitë si "mos zbraz ekranin" me anë të një interfaqeje standarte. Dialogët si p.sh. dialogu i zbllokimit të ekranit tani janë të përkthyeshme në gjuhën e nënës dhe të përdorshëm edhe nga përdoruesit invalidë. Këto përmirësime përdorshmërie i japin mundlsinë përdoruesve invalidë të zbllokojnë me lehtësi ekranet e tyre dhe bëjnë pjesë në përmirësimet e açesibilitetit që janë duke u kryer tek i gjithë ambienti i punës GNOME.

Figura 16 Duke konfiguruar pronësitë e ruajtësit të ekranit të GNOME

Përdoruesit që dëshirojnë të vazhdojnë të përdorin Xscreensaver do të jenë akoma në gjëndje ta përdorin dhe duhet të konsultojnë dokumentat e shpërndarësve specifikë.

GNOME 2.14 përdor teknollogjinë e GStreamer 0.10. Struktura multimediale GStreamer është një plataformë e fuqishme zëri dhe video e përdorur në ambientet Linux dhe UNIX sikurse në dispozitivët e integruar. Versioni i fundit i GStreamer është më i shpejtë dhe më i qendrueshëm se pasardhësit. Probleme si sinkronizimi i zërit dhe video midis dispozitivëve të ndryshëm është zgjidhur, ashtu sikurse kanalizimi dhe trajtimi dinamik i plugins multimedialë. Mund të gjeni më tepër në lidhje me GStreamer tek siti web i GStreamer.

Të gjithë aplikativët multimedialë të përfshirë në GNOME janë përditësuar për të përfituar nga versioni i fundit i GStreamer; përfshirë Totem, Sound Juicer, dhe Kontrollin e Volumit.

GStreamer 0.10 do tu japë gjithashtu mundësinë përdoruesve të përfitojnë nga plugins multimedialë të shpërndarë nga prodhues të tjerë. Kjo lejon prodhuesit të afrojnë suport për codecs nën liçencë atëhere kur një codec i lirë nuk ekziston ose nuk mund të vihet në dispozicion (për arsye legale). Mund të afrohet suport për AC3, WMA, MP3 e të tjerë. Një plugin MP3 i liçensuar, por lirisht në dispozicion për GStreamer 0.10 mund të shkarkohet nga Fluendo, një suportues prej shumë kohësh i GStreamer.

GNOME mburret me lehtësinë në konfigurim dhe afrimin përdoruesve zgjedhje të thjeshta duke vazhduar të qëndrojë fleksibile. Një numër elemntësh në qendrën e kontrollit të GNOME janë bërë më të lehtë ne menyrë që ju të mund të përcaktoni preferimet e dëshiruara shpejt dhe me lehtësi.

Figura 17 Cakto aplikativët e preferuar duke i zgjedhur nga një listë ose duke shkruar një komandë.

Figura 18 Zgjidh nga lista e tingujve në dispozicion ose zgjidh file tuaj personal nga file të sistemit.

Pessulus është një editor bllokimi që u jep mundësinë administratorëve të çaktivojnë me lehtësi disa funksione në ambientin e punës GNOME, sikurse mund të jetë e nevojshme në ambientet e korporatava dhe në Internet café-të. Prej vitesh funksionet e bllokimit janë në dispozicion në GNOME, Pessulus bën shumë më të lehtë për administratorët aplikimin e tyre.

Figura 19 Përdorimi i editorit të bllokimit për të parandaluar fikjen e sistemit nga ana e përdoruesve

Disa nga funksionet që mund të çaktivohen përfshijnë:

Sabayon i jep mundësin administratorëve të rregullojnë profilet e përdoruesve në brendësi të një seance të hapur dhe interaktive GNOME. Kur krijohet apo ndryshohet një profil, niset një seancë e mbivendosur e GNOME, që administratori mund të përdorë për të ndryshuar kyçet e prezgjedhur dhe të detyrueshëm GConf në seancën e tyre personale GNOME.

Figura 20 Sabayon duke ndryshuar një profil përdoruesi

Nga një dritare e mbivendosur një administrator sistemi mund të krijojë profilë të personalizuar në bazë të përshkrimit të punës (p.sh. pritësi i vizitave, nëpunësi i magazinimit të të dhënave, programues, përgjegjësi i rezervave humane, etj.). Këto profile mund të ruhen dhe shpërndahen në makina të ndryshme pune duke lehtësuar, kursyer kohën e punës së administratorit. Profilet gjithashtu mund të ndryshohen dhe të përshtaten sipas nevojave të përdoruesit dhe duke qenë në një vendodhje të centralizuar, mundësojnë mirëmbajtjen dhe zhvillimin me lehtësi.

Sikurse tek GLib 2.10, përcaktuesi GSlice zëvendëson APIt e vjetër GMemChunk dhe GTrashStacks në dispozicion në GLib. GSlice është tepër i ngjashëm me përcaktuesin slab të kernel dhe mundëson përcaktimin e shpejtë dhe efikas të përdorimit të memorjes për stukturat e vogla (p.sh..elementët GList, strukturat GtkWindow). Gjithashtu GSlice nuk vuan nga "locking overhead" të GMemChunk, gjë që e bën tepër më të shpejtë në aplikativët shumëkalimësh.

Figura 21 Rendimenti i përcaktuesit të memorjes duke rezervuar dhe liruar 1 milon elementë GList në kanalin 1 (i kuq), 5 (i verdhë), 10 (gri) dhe 20 (blu).

GMemChunk është ripërshtatur për të përdorur në menyrë transparente GSlice, por API i GMemChunk konsiderohet i tejkaluar.

Për të rezervuar memorje me përcaktuesin GSlice, përdor thirrjen g_slice_new (MyStructure);, që do të japë si rezultat një pointer (ptr). Për të liruar memorjen e rezervuar me GSlice, përdor funksionin g_slice_free (MyStructure, ptr);.

GSlice përdor një cache të shkallëzeshme ndarjesh me madhësi të ndryshme. Për kërkesa të mëdha memorjeje, GSlice në menyrë transparente dhe automatike do të përdorë për ju përcaktuesin g_malloc, kështu zhvilluesit nuk kanë nevojë të zgjedhin përcaktuesin më efikas për të.

GNOME tashmë afron një menyrë për zhvillesit për të regjistruar aplikativët e tyre që duhen të nisen automatikisht kur nisetGNOME. Për këtë, mjafton vetëm të instaloni një file .desktop file tek $prefix/share/gnome/autostart/, /etc/xdg/autostart/ ose ~/.config/autostart/. Nëse dëshironi të instaloni një shërbim, por dëshironi që të jetë joaktiv në menyrë të prezgjedhur, mund të shtoni pronësinë X-GNOME-autostart-enabled = False.

Ka disa përjashtime në regjistrimin e shërbimeve në këtë menyrë: