ਗਨੋਮ 2.14 ਜਾਰੀ ਸੂਚਨਾ

ਜਿਵੇਂ ਕਿ ਤੁਸੀਂ ਕਾਰ ਨੂੰ ਟਿਊਨ (ਅਨੁਕੂਲ) ਕਰਦੇ ਹੋ, ਉਸੇ ਤਰ੍ਹਾਂ ਤਜਰਬੇਕਾਰ ਇੰਜਨੀਅਰਾਂ ਨੇ ਗਨੋਮ ਦੇ ਕਈ ਭਾਗਾਂ ਵਿੱਚ ਤਬਦੀਲੀਆਂ ਕੀਤੀਆਂ ਹਨ, ਤਾਂ ਕਿ ਇਸ ਨੂੰ ਤੇਜ਼ ਕੀਤਾ ਜਾ ਸਕੇ। ਗਨੋਮ ਦੇ ਕਈ ਖਾਸ ਭਾਗ ਹੁਣ ਵੇਖਣ ਦੀ ਹੱਦ ਤੱਕ ਤੇਜ਼ ਹੋ ਗਏ ਹਨ, ਜਿਸ ਵਿੱਚ ਪਾਠ ਪੇਸ਼ਕਾਰੀ, ਮੈਮੋਰੀ ਐਲੋਕੇਸ਼ਨ, ਅਤੇ ਹੋਰ ਕਈ ਅੱਡ-ਅੱਡ ਕਾਰਜ ਸ਼ਾਮਿਲ ਹਨ। ਤੇਜ਼ ਫੋਂਟ ਪੇਸ਼ਕਾਰੀ ਅਤੇ ਮੈਮੋਰੀ ਜਾਰੀ ਹੋਣ ਨਾਲ ਸਭ ਗਨੋਮ ਅਤੇ ਜੀਟੀਕੇ+ ਅਧਾਰਿਤ ਕਾਰਜ ਬਿਨਾਂ ਕੰਪਾਇਲ ਕੀਤੇ ਹੀ ਲਾਭ ਲੈ ਸਕਦੇ ਹਨ।

ਕੁਝ ਕਾਰਜਾਂ ਵਿੱਚ ਖਾਸ ਹੀ ਧਿਆਨ ਦਿੱਤਾ ਗਿਆ ਹੈ, ਜਿਸ ਨਾਲ ਉਹਨਾਂ ਦੀ ਸਮਰੱਥਾ ਸਭ ਹੱਦਾਂ ਬੰਨੇ ਟੱਪ ਗਈ ਹੈ। ਗਨੋਮ ਟਰਮੀਨਲ, ਗਨੋਮ ਵੇਹੜੇ ਲਈ ਟਰਮੀਨਲ ਸਮਰੂਪ, ਨੂੰ ਕਈ ਢੰਗਾਂ ਨਾਲ ਅਨੁਕੂਲ ਬਣਾਇਆ ਗਿਆ ਹੈ, ਜਿਸ ਨਾਲ ਇਹ ਤੇਜ਼ ਹੋ ਗਿਆ ਹੈ ਅਤੇ ਨਾਲ ਹੀ ਵਰਤੋਂ ਵਾਲੇ ਸਰੋਤਾਂ ਲਈ ਅਨੁਕੂਲ ਵੀ। ਗਨੋਮ ਲਾਗ ਦਰਸ਼ਕ ਹੁਣ ਪਹਿਲਾਂ ਤੋਂ 20 ਗੁਣਾ ਤੇਜ਼ੀ ਨਾਲ ਸ਼ੁਰੂ ਹੋ ਜਾਂਦਾ ਹੈ।

ਚਿੱਤਰ 1 ਗਨੋਮ 2.12 ਅਤੇ ਗਨੋਮ 2.14 ਵਿੱਚ ਗਨੋਮ ਟਰਮੀਨਲ ਦੀ ਸਮਰੱਥਾ ਵਿੱਚ ਵੀ ਸੁਧਾਰ ਕੀਤਾ ਗਿਆ ਹੈ। ਸਕਰੀਨ ਉੱਤੇ ਅੰਗਰੇਜ਼ੀ ਦੇ ਸ਼ਬਦਾਂ ਦੀ ਸੂਚੀ ਛਾਪਣ ਨੂੰ ਲੱਗਾ ਸਮਾਂ ਹੈ।

ਚਿੱਤਰ 2 ਗਨੋਮ 2.12 ਅਤੇ ਗਨੋਮ 2.14 ਵਿੱਚ ਲਾਗ ਦਰਸ਼ਕ ਸੁਧਾਰਿਆ ਗਿਆ ਹੈ। ਸ਼ੁਰੂ ਹੋਣ ਦਾ ਸਮਾਂ ਅਤੇ 2.9 ਮੈਬਾ ਲਾਗ ਫਾਇਲ ਪੜ੍ਹਨ ਦੇ ਯੋਗ ਹੈ।

ਗਨੋਮ ਫਾਇਲ ਮੈਨੇਜਰ, ਨਟੀਲਸ, ਹੁਣ ਬਹੁਤ ਹੀ ਸਮਰੱਥ ਖੋਜ ਇੰਟਰਫੇਸ ਸਿਰਫ਼ (Ctrl-F) ਨੂੰ ਵੇਹੜੇ ਜਾਂ ਇੱਕ ਫਾਇਲ ਮੈਨੇਜਰ ਝਰੋਖੇ ਵਿੱਚ ਦਬਾਉਣ ਨਾਲ ਉਪਲੱਬਧ ਕਰਵਾਉਦਾ ਹੈ।

ਚਿੱਤਰ 3 ਨਟੀਲਸ ਨਾਲ ਖੋਜ

ਖੋਜ ਨੂੰ ਸੋਖਾ ਕੀਤਾ ਗਿਆ ਹੈ ਅਤੇ ਇੱਕ ਫੋਲਡਰ ਜਾਂ ਵੇਹੜੇ ਵਿੱਚ ਸੰਭਾਲਿਆ ਜਾ ਸਕਦਾ ਹੈ। ਸੰਭਾਲੀ ਖੋਜ ਨੂੰ ਬਾਅਦ ਵਿੱਚ ਕਦੋਂ ਵੀ ਇੱਕ ਫੋਲਡਰ ਵਾਂਗ ਖੋਲ੍ਹਿਆ ਜਾ ਸਕਦਾ ਹੈ।

ਜੇਕਰ ਬੀਗਲ ਖੋਜ ਫਰੇਮਵਰਕ ਉਪਲੱਬਧ ਹੋਵੇਗਾ ਤਾਂ ਨਟੀਲਸ ਇਸ ਦੀ ਵਰਤੋਂ ਤੇਜ਼ ਅਤੇ ਵਧੀਆ ਖੋਜ ਕਰਨ ਲਈ ਕਰ ਸਕੇਗੀ।

ਗਨੋਮ ਸਹਾਇਤਾ ਝਲਕਾਰੇ ਦੇ ਫੀਚਰਾਂ ਵਿੱਚ ਹੁਣ ਤੁਹਾਡੀ ਮਸ਼ੀਨ ਉੱਤੇ ਉਪਲੱਬਧ ਸਹਾਇਤਾ ਅਤੇ ਦਸਤਾਵੇਜ਼ਾਂ ਦੀ ਖੋਜ ਕਰਨ ਦਾ ਨਵਾਂ ਫੀਚਰ ਸ਼ਾਮਿਲ ਹੋ ਗਿਆ ਹੈ। ਗਨੂ Info ਅਤੇ ਪੁਰਾਣੇ ਯੂਨੈਕਸ man ਸਫ਼ਿਆਂ ਦੇ ਨਾਲ ਨਾਲ ਗਨੋਮ ਦੇ ਉੱਚ ਪੱਧਰੀ ਦਸਤਾਵੇਜ਼ਾਂ ਦੇ ਨਾਲ ਹੁਣ ਤੁਹਾਡੇ ਸਿਸਟਮ ਉੱਤੇ ਲੱਗਭਗ ਸਭ ਦਸਤਾਵੇਜ਼ਾਂ ਦੀ ਖੋਜ ਤੇਜ਼ੀ ਨਾਲ ਸੰਭਵ ਹੋ ਗਈ ਹੈ।

ਚਿੱਤਰ 4 ਸਹਾਇਤਾ ਖੋਜ, ਜਾਣਕਾਰੀ (info) ਫਾਇਲਾਂ ਵੇਖੋ ਅਤੇ man ਸਫ਼ੇ ਪੜ੍ਹੋ

ਫਾਇਲ ਮੈਨੇਜਰ ਵਾਂਗ ਹੀ, ਉਪਭੋਗੀ, ਜਿਨ੍ਹਾਂ ਕੋਲ ਬੀਗਲ ਖੋਜ ਫਰੇਮਵਰਕ ਉਪਲੱਬਧ ਹੈ, ਇਸ ਨੂੰ ਤੇਜ਼ੀ ਨਾਲ ਅਤੇ ਠੀਕ ਢੰਗ ਨਾਲ ਖੋਜ ਕਰਨ ਲਈ ਵਰਤ ਸਕਦੇ ਹਨ।

ਈਕੀਗਾ, ਜਿਸ ਨੂੰ ਪਹਿਲਾਂ ਗਨੋਮ ਮੀਟਿੰਗ ਦੇ ਰੂਪ ਵਿੱਚ ਜਾਣਿਆ ਜਾਂਦਾ ਸੀ, ਗਨੋਮ ਦਾ IP ਉੱਤੇ ਆਵਾਜ਼ ਅਤੇ ਵੀਡਿਓ ਕਲਾਂਇਟ ਹੈ। ਈਕੀਗਾ SIP ਅਤੇ H323 ਪਰੋਟੋਕਾਲ ਲਈ ਸਹਾਇਕ ਹੈ। SIP, ਇੱਕ ਹਰਮਨ ਪਿਆਰਾ ਪਰੋਟੋਕਾਲ, ਜੋ ਕਿ ਗੂਗਲ ਟਾਕ, ਅਸਟਾਰਿਕ ਅਤੇ ਹੋਰ ਕਈ ਸਾਫਟਵੇਅਰ ਅਤੇ ਹਾਰਡਵੇਅਰ VoIP ਜੰਤਰਾਂ ਵਿੱਚ ਵਰਤਿਆ ਜਾਂਦਾ ਹੈ, ਨੂੰ ਈਕੀਗਾ ਵਿੱਚ ਜੋੜਿਆ ਗਿਆ ਹੈ। H323 ਇੱਕ ਪੁਰਾਣਾ ਸੰਚਾਰ ਪਰੋਟੋਕਾਲ ਹੈ, ਜਿਸ ਨੂੰ ਮਾਈਕਰੋਸਾਫਟ ਨੈੱਟਮੀਟਿੰਗ ਅਤੇ ਕੁਝ ਟੈਲੀਕਿਊਨੀਕੇਸ਼ਨੇ ਜੰਤਰਾਂ ਵਿੱਚ ਵਰਤਿਆ ਜਾਂਦਾ ਹੈ।

ਈਕੀਗਾ ਵਿੱਚ STUN ਫੀਚਰ ਸ਼ਾਮਿਲ ਹੈ, ਜੋ ਕਿ ਕਈ ਕਿਸਮ ਦੀਆਂ ਫਾਇਰਵਾਲਾਂ, ਜਿਸ ਵਿੱਚ ਨੈੱਟਵਰਕ ਐਡਰੱਸ ਟਰਾਂਸਲੇਟਿੰਗ (NAT) ਫਾਇਰਵਾਲਾਂ ਵੀ ਹਨ, ਰਾਹੀਂ ਗੁਜ਼ਰਨ ਲਈ ਸਹਾਇਕ ਹੈ। ਇਹ ਦਾ ਅਰਥ ਹੈ ਕਿ ਤੁਸੀਂ ਈਕੀਗਾ ਨੂੰ ਆਪਣੇ ਰਾਊਟਰ ਤੋਂ ਇੱਕ ਪਬਲਿਕ IP ਸਿਰਨਾਵੇਂ ਜਾਂ ਫਾਰਵਰਡਿੰਗ ਪੋਰਟ ਬਿਨਾਂ ਵੀ ਕਾਲਾਂ ਭੇਜ ਅਤੇ ਸੁਣ ਸਕਦੇ ਹੋ।

ਚਿੱਤਰ 5 ਈਕੀਗਾ ਨਾਲ ਇੱਕ SIP ਕਾਲ ਕਰਨੀ

ਉਪਭੋਗੀ Ekiga.net ਨਾਲ ਖਾਤਾ ਬਣਾ ਸਕਦੇ ਹੋ, ਜਿਸ ਨਾਲ ਉਹਨਾਂ ਨੂੰ ਇੱਕ SIP ਸਿਰਨਾਵਾਂ ਦਿੱਤਾ ਜਾਵੇਗਾ, ਜਿਸ ਤੋਂ ਕਿਤੋਂ ਵੀ ਇੰਟਰਨੈੱਟ ਰਾਹੀਂ ਕਾਲ ਕੀਤੀ ਅਤੇ ਸੁਣੀ ਜਾ ਸਕਦੀ ਹੈ।

ਮੈਟਾਸਿਟੀ ਵਿੱਚ ਝਰੋਖਾ ਪਰਬੰਧ ਨੂੰ ਸੁਧਾਰਨ ਲਈ ਕਈ ਨਵੇਂ ਫੀਚਰ ਜੋੜੇ ਗਏ ਹਨ। ਝਰੋਖੇ ਕੋਨਿਆਂ ਵਿੱਚ ਹੁਣ ਇੱਕ ਚੁੰਬਕੀ ਖਿੱਚ ਹੈ, ਜਿਸ ਨੂੰ ਝਰੋਖਿਆਂ ਨੂੰ ਇੱਕਠਾ "ਦਬਾਉਣਾ" ਸੰਭਵ ਹੈ। ਕਈ ਮਾਨੀਟਰ (ਹੈੱਡ) ਕੰਟਰੋਲ ਕਰਨ ਨੂੰ ਮੈਟਾਸਿਟੀ ਵਿੱਚ ਸੁਧਾਰਿਆ ਗਿਆ ਹੈ। ਮੈਟਾਸਿਟੀ ਹੁਣ ਝਰੋਖੇ ਵੇਖਾਉਣ ਦੀ ਕੋਸ਼ਿਸ਼ ਕਰੇਗੀ, ਜੋ ਕਿ ਇੱਜ ਮਾਨੀਟਰ ਹੱਦ ਤੋਂ ਦੂਜੇ ਤੱਕ ਉਪਲੱਬਧ ਹੁੰਦੇ ਹਨ।

ਪਰਸ਼ਾਸ਼ਕਾਂ ਅਤੇ ਇੱਕੋ X ਸਰਵਰ ਤੋਂ ਬਹੁ-ਮਸ਼ੀਨਾਂ ਦੇ ਉਪਭੋਗੀਆਂ ਨੂੰ ਦੀ ਸਹਾਇਤਾ ਲਈ, ਝਰੋਖਿਆਂ ਦਾ ਮੇਜ਼ਬਾਨ ਨਾਂ, ਜੋ ਕਿ ਲੋਕਲ ਨਹੀਂ ਚੱਲਦੇ ਹਨ, ਸਿਰਲੇਖ ਪੱਟੀ ਵਿੱਚ ਵੇਖਾਇਆ ਜਾਵੇਗਾ। ਇਹ ਖਾਸ ਤੌਰ ਉੱਤੇ ਲਾਭਦਾਇਕ ਹੈ, ਜਦੋਂ ਕਿ ਮਸ਼ੀਨ ਉੱਤੇ ਗਰਾਫਿਕਲ ਤਬਦੀਲੀਆਂ ਕੀਤੀਆਂ ਜਾਂਦੀਆਂ ਤਾਂ ਕਿ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਤੁਸੀਂ ਠੀਕ ਤਬਦੀਲੀਆਂ ਕੀਤੀਆਂ ਹਨ।

ਚਿੱਤਰ 6 ਇੱਕੋ ਜਿਹਾ ਝਰੋਖਾ ਲੋਕਲ ਅਤੇ ਰਿਮੋਟ ਤੋਂ ਚਲਾਉਣਾ

ਗਨੋਮ ਲਈ ਨਵਾਂ ਡਿਸਕਬਾਰ ਹੈ। ਸ਼ਕਤੀਸ਼ਾਲੀ ਉਪਭੋਗੀ, ਕੀ-ਬੋਰਡ ਦੀ ਵਰਤੋਂ ਕਰਨ ਵਾਲੇ, ਅਤੇ ਉਪਭੋਗੀ, ਜੋ ਕਿ ਪੁਰਾਣੇ ਕਮਾਂਡ ਪੈਨਲ ਨੂੰ ਇਹ ਤਬਦੀਲੀ ਨਾਲ ਖੋਜਣਗੇ, ਇਸ ਦੀ ਸਮਰੱਥਾ ਨੂੰ ਵੇਖਣ ਸਕਣਗੇ ਅਤੇ ਵਰਤਣ ਲਈ ਆਸਾਨ ਵੀ ਮਹਿਸੂਸ ਕਰਨਗੇ। ਡਿਸਕਬਾਰ ਪਲੱਗ-ਇਨ (ਜੋ ਕਿ ਪਾਈਥਨ 'ਚ ਲਿਖੀ ਹੈ) ਦੀ ਵਰਤੋਂ ਪਰੋਗਰਾਮਾਂ, ਫਾਇਲਾਂ, ਫੋਲਡਰਾਂ, ਬੁੱਕਮਾਰਕਾਂ, ਸੰਪਰਕਾਂ ਅਤੇ ਹੋਰ ਕੁਝ ਲੱਭਣ ਲਈ ਵਰਤਦਾ ਹੈ। ਡਿਸਕਬਾਰ ਗੁਗਲ ਲਾਈਵ, ਯਾਹੂ ਅਤੇ ਬੀਗਲ ਲਈ ਵੀ ਲਾਇਵ ਖੋਜ ਲਈ ਸਹੂਲਤਾਂ ਦਿੰਦਾ ਹੈ।

ਚਿੱਤਰ 7 'net' ਲਈ ਖੋਜ ਜਾਰੀ ਹੈ

ਡਿਸਕਬਾਰ ਇੱਕ ਪੈਨਲ-'ਚ ਢੰਗ ਅਤੇ ਤੁਹਾਡੇ ਲੇਟਵੇਂ ਪੈਨਲ ਜਾਂ ਪੈਨਲ ਵਿੱਚ ਥਾਂ ਬਚਾਉਣ ਲਈ ਸਮੇਟਣ ਢੰਗ ਵਿੱਚ ਉਪਲੱਬਧ ਹੈ। ਖੋਜ ਕਰਨ ਲਈ ਸਿਰਫ਼ (Alt-F3) ਦਬਾਉ ਅਤੇ ਕੁਝ ਲਿਖੋ। ਤੁਸੀਂ ਆਪਣੀ ਕਮਾਂਡ ਅਤੀਤ ਦੀ ਝਲਕ ਵੇਖ ਜਾਂ ਖੋਜ ਸਕਦੇ ਹੋ।

ਲਾਗਇਨ ਸਿਸਟਮ (GDM) ਵਿੱਚ ਕਈ ਨਵੇਂ ਸੁਧਾਰ ਕੀਤੇ ਗਏ ਹਣ। ਵੇਹੜੇ ਵਿੱਚ ਕੀਤੀ ਗਈ ਸਮੱਰਥਾ ਅਨੁਕੂਲਤਾ ਨੂੰ ਲਾਗਇਨ ਸਿਸਟਮ ਵਿੱਚ ਵੀ ਵੇਖਿਆ ਜਾ ਸਕਦਾ ਹੈ। ਲਾਗਇਨ ਸਵਾਗਤੀ ਵਿੱਚ "ਚੋਣਾਂ" ਬਟਨ ਨੂੰ ਨਵਾਂ ਸ਼ਾਮਿਲ ਕੀਤਾ ਗਿਆ ਹੈ, ਜੋ ਕਿ ਕਈ ਲਾਗਇਨ ਸਹੂਲਤਾਂ ਨੂੰ ਤੇਜ਼ੀ ਨਾਲ ਵਰਤਣ ਲਈ ਸਹਾਇਕ ਹੈ। "ਸੁਰੱਖਿਅਤ ਰਿਮੋਟ" ਫੀਚਰ ਜੋੜਿਆ ਗਿਆ ਹੈ ਤਾਂ ਕਿ ਉਪਭੋਗੀ X ਸਰਵਰ ਨਾਲ ਸੁਰੱਖਿਅਤ ਅਤੇ ਸੌਖੀ ਤਰ੍ਹਾਂ ਜੁੜ ਸਕਣ। ਲਾਗਇਨ ਸਵਾਗਤੀ ਦੀ ਦਿੱਖ ਵੀ ਉਪਭੋਗੀ ਲਈ ਸੌਖਾ ਬਣਾਉਣ ਲਈ ਸੁਧਾਰੀ ਗਈ ਹੈ।

ਚਿੱਤਰ 8 GDM ਪਸੰਦ ਝਰੋਖਾ ਦੇ ਨਵੇਂ ਡਿਜ਼ਾਇਨ ਕਰਕੇ ਹੁਣ ਤੁਹਾਨੂੰ ਲਾਗ-ਇਨ ਪਸੰਦ ਨੂੰ ਬਦਲਣਾ ਪਹਿਲਾਂ ਤੋਂ ਕਿਤੇ ਅਸਾਨ ਹੋ ਗਿਆ ਹੈ।

ਸੂਚਨਾ: ਆਪਣੀ GDM ਸੰਰਚਨਾ ਸਥਾਪਨ ਵਿੱਚ ਉਪਭੋਗੀ ਵਲੋਂ ਕੀਤੀਆਂ ਤਬਦੀਲੀਆਂ ਨੂੰ ਹੁਣ /etc/gdm/gdm.conf ਫਾਇਲ ਦੀ ਬਜਾਏ /etc/gdm/custom.conf ਵਿੱਚ ਸੰਭਾਲਿਆ ਜਾਂਦਾ ਹੈ। ਹੋਰ ਜਾਣਕਾਰੀ ਲਈ GDM ਪਰੋਜੈੱਕਟ ਵੇਖੋ।

ਗਨੋਮ 2.14 ਵਿੱਚ ਵੇਹੜੇ ਰਾਹੀਂ ਤੇਜ਼ੀ ਨਾਲ ਉਪਭੋਗੀ ਤਬਦੀਲ ਕਰਨ ਦੀ ਸਹੂਲਤ ਦਿੱਤੀ ਗਈ ਹੈ। ਲਾਗ-ਆਉਟ ਅਤੇ ਸਕਰੀਨ ਤਾਲਾ-ਖੋਲਣ ਵਾਰਤਾਲਾਪ ਹੁਣ ਹੋਰ ਉਪਭੋਗੀ ਬਦਲਣ ਦੀ ਚੋਣ ਦਿੰਦੇ ਹਨ। ਇੱਕ ਮੇਨੂ ਨੂੰ ਪੈਨਲ ਵਿੱਚ ਤੇਜ਼ੀ ਨਾਲ ਉਪਭੋਗੀ ਤਬਦੀਲ ਕਰਨ ਲਈ ਜੋੜਿਆ ਜਾ ਸਕਦਾ ਹੈ।

ਚਿੱਤਰ 9 ਪੈਨਲ ਤੋਂ ਉਪਭੋਗੀ ਤੇਜ਼ੀ ਨਾਲ ਬਦਲਣਾ

ਚਿੱਤਰ 10 ਤਾਲਾਬੰਦ ਪਰਦੇ ਤੋਂ ਉਪਭੋਗੀ ਬਦਲਣਾ

ਈਵੇਲੂਸ਼ਨ 2.6 ਵਿੱਚ ਨਵਾਂ ਫੀਚਰ CalDAV ਰਾਹੀਂ ਕੈਲੰਡਰ ਸ਼ਾਂਝਾ ਕਰਨਾ ਹੈ। CalDAV ਸਾਂਝਾ ਕੈਲੰਡਰ ਪਰੋਟੋਕਾਲ ਨੂੰ ਗਰੁੱਪਵੇਅਰ ਸਰਵਰ ਰਾਹੀਂ ਸਥਾਪਤ ਕੀਤਾ ਗਿਆ ਹੈ, ਜਿਸ ਵਿੱਚ ਹੁਣ ਮੁਫ਼ਤ ਹੂਲਾ (Hula) ਸਰਵਰ ਉਪਲੱਬਧ ਹੈ।

ਚਿੱਤਰ 11 ਹੂਲਾ (Hula) ਤੋਂ ਸਾਂਝਾ ਕੈਲੰਡਰ ਵੇਖਣਾ

ਏਪੀਫਨੀ ਨੇ ਵੈੱਬ ਝਲਕਾਰਾ ਵਰਲਡ ਵਾਈਡ ਵੈੱਬ ਦੀ ਝਲਕ ਨੂੰ ਹੋਰ ਵੀ ਆਸਾਨ ਕਰਨਾ ਜਾਰੀ ਰੱਖਿਆ ਹੈ। ਇਸ ਨਵੇਂ ਰੀਲਿਜ਼ ਵਰਜਨ ਵਿੱਚ ਬੁੱਕਮਾਰਕ ਲੜੀ ਲਈ ਸਵੈ-ਚਾਲਤ ਰਚਨਾ ਬਣਾਈ ਗਈ ਹੈ। ਇਸ ਨਾਲ ਵੱਡੀ ਮਾਤਰਾ ਵਿੱਚ ਬੁੱਕਮਾਰਕ ਨੂੰ ਸੰਭਾਲਣ ਅਸਾਨ ਹੋ ਗਿਆ ਹੈ, ਪਰ ਸਧਾਰ ਵਿਸ਼ੇ ਨਾਲ ਏਪੀਫਨੀ ਰਾਹੀਂ ਬੁੱਕਮਾਰਕ ਵੰਡਣੇ ਆਸਾਨ ਹੋ ਗਏ ਹਨ। ਵਿਸ਼ੇ ਚੁਣਨੇ ਅਤੇ ਬਣਾਉਣ ਤਾਂ ਬਹੁਤ ਹੀ ਆਸਾਨ ਹਨ, ਏਪੀਫਨੀ ਵਰਤੋਂ ਦੇ ਅਧਾਰ ਉੱਤੇ ਵਿਸ਼ੇ ਸੁਝਾਉਦਾ ਹੈ।

ਚਿੱਤਰ 12 ਸੁਧਾਰਿਆ ਗਿਆ ਬੁੱਕਮਾਰਕ ਪਰਬੰਧ ਅਤੇ ਸਟਾਇਲਸ਼ੀਟ ਕੰਟਰੋਲ

ਇਹ ਰੀਲਿਜ਼ ਵਿੱਚ ਉਪਭੋਗੀ-ਪਰਭਾਸ਼ਿਤ ਸਟਾਇਲਸ਼ੀਟਾਂ, ਜੋ ਕਿ ਸਫ਼ੇ ਵੇਖਾਉਣ ਲਈ ਉਪਭੋਗੀ ਕੰਟਰੋਲ ਅਤੇ ਵਧੀਆ ਅਨੁਕੂਲਤਾ ਦਿੰਦੀਆਂ ਹਨ, ਲਈ ਸਹਿਯੋਗ ਹੈ। ਏਪੀਫਨੀ ਹੁਣ ਫਾਇਰਫਾਕਸ, ਮੌਜੀਲਾ ਜਾਂ XULRunner ਨੂੰ ਬੈਂਕਐਂਡ ਦੀ ਵਰਤੋਂ ਕਰ ਸਕਦਾ ਹੈ। ਜੇਕਰ ਤੁਸੀਂ NetworkManager ਦੀ ਵਰਤੋਂ ਕਰ ਰਹੇ ਹੋ ਤਾਂ ਏਪੀਫਨੀ ਤੁਹਾਡਾ ਨੈੱਟਵਰਕ ਸਥਾਪਨ ਖੁਦ ਹੀ ਲੱਭ ਲਵੇਗਾ।

ਜੀ-ਸੰਪਾਦਕ ਨੇ ਸਧਾਰਨ ਪਾਠ ਸੰਪਾਦਕ ਦੇ ਤੌਰ ਉੱਤੇ ਸਭ ਫੀਚਰ ਤੁਹਾਨੂੰ ਉਪਲੱਬਧ ਕਰਵਾਉਣਾ ਜਾਰੀ ਰੱਖੇ ਹਨ, ਜੋ ਕਿ ਤੁਹਾਨੂੰ ਆਮ ਕਾਰਜ ਵਿਕਾਸ ਜਾਂ ਵੈੱਬ ਸਾਇਟ ਨਿਰਮਾਣ ਲਈ ਲੋੜੀਦੇ ਹਨ। ਜੀ-ਸੰਪਾਦਕ 2.14 ਦੇ ਮੁੱਖ ਫੀਚਰਾਂ ਵਿੱਚ ਕਈ ਦਸਤਾਵੇਜ਼ਾਂ ਨੂੰ ਕੰਟਰੋਲ ਕਰਨਾ ਅਤੇ ਰਿਮੋਟ ਫਾਇਲਾਂ ਉੱਤੇ ਲਿਖਣਾ ਸ਼ਾਮਿਲ ਹੈ। ਉਦਾਹਰਨ ਲਈ ਜੀ-ਸੰਪਾਦਕ ਹੁਣ SFTP, FTP ਅਤੇ WebDAV ਡਾਇਰੈਕਟਰੀਆਂ ਵਿੱਚ ਸਿੱਧਾ ਫਾਇਲ ਝਲਕਾਰਾ ਰਾਹੀਂ ਹੀ ਝਲਕ ਵੇਖਣ ਅਤੇ ਸੰਪਾਦਕ ਕਰਨ ਦੇ ਯੋਗ ਹੈ। ਇਸ ਵਿੱਚ ਹੁਣ HTML, PHP, PSP ਅਤੇ ਹੋਰਾਂ ਲਈ ਸੰਟੈਕਸ ਨੂੰ ਉਭਾਰਨ ਲਈ ਕਾਫ਼ੀ ਸੁਧਾਰ ਹੋਇਆ ਹੈ। ਇਹ ਫੀਚਰ ਜੀ-ਸੰਪਾਦਕ ਨੂੰ ਉੱਤਮ ਪਾਠ ਸੰਪਾਦਕ ਬਣਾਉਦਾ ਹੈ, ਜੋ ਕਿ ਉਪਭੋਗੀਆਂ ਵਲੋਂ ਲੋੜੀਦੇ ਬਹੁਤ ਕੰਮ ਲਈ ਸਹਾਇਕ ਹੈ।

ਚਿੱਤਰ 13 ਜੀ-ਸੰਪਾਦਕ ਕੋਈ ਸਰੋਤ ਫਾਇਲਾਂ ਨੂੰ ਇੱਕੋ ਸਮੇਂ ਸੌਖੀ ਤਰਾਂ ਲੋਕਲ ਜਾਂ ਇੱਕ ਨੈੱਟਵਰਕ ਉੱਤੇ ਖੋਲ੍ਹ ਅਤੇ ਸੰਭਾਲ ਸਕਦਾ ਹੈ।

ਜੀ-ਸੰਪਾਦਕ ਵਿੱਚ ਪਾਈਥਨ ਲਿਖਣ ਦੀ ਪਲੱਗਇਨ ਵੀ ਨਵੀਂ ਹੈ। ਇਹ ਜੀ-ਸੰਪਾਦਕ ਦੀਆਂ ਸਹੂਲਤਾਂ ਨੂੰ ਵਧਾਉਣ ਅਤੇ ਪਸੰਦ ਨੂੰ ਸੌਖਾ ਬਣਾਉਣ ਯੋਗ ਹੈ, ਭਾਵੇਂ ਕਿ ਤੁਸੀਂ ਚੰਗੇ ਪਰੋਗਰਾਮਰ ਨਾ ਹੀ ਹੋਵੋ। ਕੁਝ ਲਾਭਦਾਇਕ ਪਲੱਗਇਨ, ਜੋ ਕਿ ਜੀ-ਸੰਪਾਦਕ ਨਾਲ ਆਉਦੀਆਂ ਹਨ, ਉਹਨਾਂ ਵਿੱਚੋਂ ਇੱਕ ਹੈ ਬਾਹਰੀ ਕਮਾਂਡਾਂ, ਜੋ ਕਿ ਟੈਗ ਅਧਾਰਿਤ ਪੂਰਨਾ ਅਤੇ ਵਧੀਆ ਪਾਈਥਨ ਕਨਸੋਂਲ ਦਿੰਦੀ ਹੈ।

ਚਿੱਤਰ 14 ਪਲੱਗ-ਇਨ ਵਾਰਤਾਲਾਪ ਬਾਹਰੀ ਕਮਾਂਡ ਪਲੱਗ-ਇਨ ਲਈ ਵਿਸ਼ੇਸ਼ਤਾ ਵੇਖਾਉਦਾ ਹੋਇਆ

ਗਨੋਮ ਚਿੱਤਰ ਦਰਸ਼ਕ ਵਿੱਚ ਨਵੀਂ ਪਹੁੰਚ ਸੰਦ-ਪੱਟੀ ਦਿੱਤੀ ਗਈ ਹੈ। ਹੁਣ ਜਦੋਂ ਤੁਸੀਂ ਇੱਕ ਚਿੱਤਰ ਖੋਲ੍ਹੋਗੇ ਤਾਂ ਤੁਸੀਂ ਇੱਕੋ ਡਾਇਰੈਕਟਰੀ ਵਿੱਚ ਹੋਰ ਚਿੱਤਰ ਵੀ ਵੇਖ ਸਕਦੇ ਹੋ।

ਚਿੱਤਰ 15 ਇੱਕੋ ਡਾਇਰੈਕਟਰੀ ਵਿੱਚੋਂ ਚਿੱਤਰਾਂ ਲਈ ਸੌਖੀ ਪਹੁੰਚ

ਗਨੋਮ ਵਿੱਚ ਸ਼ਾਮਿਲ ਸਕਰੀਨ-ਸੇਵਰ ਦਾ ਫੀਚਰ ਵੀ ਹੈ। ਗਨੋਮ ਸਕਰੀਨ-ਸੇਵਰ Xscreensaver ਵਿੱਚ "ਹੈਕ" ਦੇ ਅਨੁਕੂਲ ਤਾਂ ਹੈ, ਪਰ ਉਸ ਵਿੱਚ ਨਾ ਉਪਲੱਬਧ ਫੀਚਰਾਂ ਨੂੰ ਲੈ ਕੇ ਆਇਆ ਹੈ। ਕਾਰਜ, ਜੋ ਕਿ ਗਨੋਮ ਸਕਰੀਨ-ਸੇਵਰ ਬਾਰੇ ਧਿਆਨ ਰੱਖਦੇ ਹਨ, ਹੁਣ ਮਿਆਰੀ ਇੰਟਰਫੇਸ ਰਾਹੀਂ "ਖਾਲੀ ਸਕਰੀਨ ਨਹੀਂ" ਵਰਗੀ ਵਿਸ਼ੇਸ਼ਤਾ ਸੈੱਟ ਕਰ ਸਕਦੇ ਹਨ। ਤਾਲਾ ਖੋਲ੍ਹਣ ਵਰਗੇ ਸਕਰੀਨ ਵਾਰਤਾਲਾਪ ਹੁਣ ਭਾਸ਼ਾਵਾਂ ਵਿੱਚ ਅਨੁਵਾਦ ਹੋ ਸਕਦੇ ਹਨ ਅਤੇ ਅਪੰਗ ਉਪਭੋਗੀਆਂ ਲਈ ਵੀ ਵਰਤੇ ਜਾ ਸਕਣ ਯੋਗ ਹਨ। ਇਹ ਸਹੂਲਤਾਂ ਅਪੰਗ ਉਪਭੋਗੀਆਂ ਨੂੰ ਆਪਣੇ ਦਰਿਸ਼ਾਂ ਨੂੰ ਸੌਖੀ ਤਰ੍ਹਾਂ ਤਾਲਾ-ਖੋਲ੍ਹਣ ਅਤੇ ਪੂਰੇ ਗਨੋਮ ਵੇਹੜੇ ਵਲੋਂ ਉਪਲੱਬਧ ਕਰਵਾਏ ਸਹੂਲਤ ਸੁਧਾਰ ਦਾ ਭਾਗ ਬਣ ਗਿਆ ਹੈ।

ਚਿੱਤਰ 16 ਗਨੋਮ ਸਕਰੀਨ-ਸੇਵਰ ਵਿਸ਼ੇਸ਼ਤਾ ਦੀ ਸੰਰਚਨਾ

ਉਪਭੋਗੀ, ਜੋ ਕਿ Xscreensaver ਨੂੰ ਹਾਲੇ ਵੀ ਵਰਤਣਾ ਚਾਹੁੰਦੇ ਹਨ, ਇੰਝ ਕਰ ਸਕਦੇ ਹਨ ਅਤੇ ਇੰਝ ਕਰਨ ਲਈ ਉਹਨਾਂ ਨੂੰ ਆਪਣੇ ਵਿਕਰੇਤਾ ਦੇ ਦਸਤਾਵੇਜ਼ ਨੂੰ ਵੇਖਣਾ ਪਵੇਗਾ।

ਗਨੋਮ 2.14 ਜੀਸਟਰੀਮਰ 0.10 ਦੀ ਤਕਨੀਕ ਵਰਤ ਰਿਹਾ ਹੈ। ਜਸਟਰੀਮਰ ਮਲਟੀਮੀਡਿਆ ਫਰੇਮਵਰਕ ਇੱਕ ਸ਼ਕਤੀਸ਼ਾਲੀ, ਪਲੱਗੇਬਲ ਆਡੀਓ ਅਤੇ ਵੀਡਿਓ ਫਰੇਮਵਰਕ, ਜੋ ਕਿ ਲੀਨਕਸ ਅਤੇ ਯੂਨੈਕਸ ਵੇਹੜਿਆਂ ਦੇ ਨਾਲ ਨਾਲ ਇੰਬੈੱਡ ਜੰਤਰਾਂ ਵਲੋਂ ਵਰਤਿਆ ਜਾਂਦਾ ਹੈ। ਜਸਟਰੀਮਰ ਦਾ ਇਹ ਨਵਾਂ ਵਰਜਨ ਪੁਰਾਣਿਆਂ ਦੇ ਮੁਕਾਬਲੇ ਤੇਜ਼ ਅਤੇ ਵੱਧ ਸਥਿਰ ਹੈ। ਵੱਖ ਵੱਖ ਜੰਤਰਾਂ ਵਿੱਚ ਆਡੀਓ ਅਤੇ ਵੀਡਿਓ ਸਮਕਾਲੀ ਕਰਨ ਵਰਗੇ ਮੁੱਦਿਆਂ ਦਾ ਖਿਆਲ ਰੱਖਿਆ ਗਿਆ ਹੈ, ਕਿਉਂਕਿ ਬਹੁ-ਰੰਗ ਪਲੱਗਇਨਾਂ ਲਈ ਸਫ਼ਰੀ ਕੰਟੋਰਲ ਅਤੇ ਥਰਿੱਡਿੰਗ ਵਰਤੀ ਗਈ ਹੈ।

ਗਨੋਮ ਨਾਲ ਤਿਆਰ ਕੀਤੇ ਜਾਂਦੇ ਸਭ ਬਹੁ-ਰੰਗ ਕਾਰਜਾਂ ਨੂੰ ਨਵੇਂ ਜੀਸਟਰੀਮਰ ਦਾ ਲਾਭ ਲੈਣ ਲਈ ਅੱਪਗਰੇਡ ਕੀਤਾ ਗਿਆ ਹੈ, ਜਿਸ ਵਿੱਚ ਟੋਟੇਮ, ਸਾਊਂਡ ਜੂਸਰ ਅਤੇ ਵਾਲੀਅਮ ਕੰਟਰੋਲ ਸ਼ਾਮਿਲ ਹਨ।

ਜੀਸਟਰੀਮਰ 0.10 ਉਪਭੋਗੀਆਂ ਨੂੰ ਸੁਤੰਤਰ ਧਿਰ ਵਿਕਰੇਤਾ ਵੱਲੋਂ ਉਪਲੱਬਧ ਮਲਟੀਮੀਡਿਆ ਪਲੱਗਇਨਾਂ ਦਾ ਫਾਇਦਾ ਲੈਣ ਦੇ ਯੋਗ ਬਣਾਉਦਾ ਹੈ। ਇਹ ਵਿਕਰੇਤਾ ਨੂੰ ਲਾਈਸੈਂਸ ਕੋਡ ਉਪਲੱਬਧ ਕਰਵਾਉਣ ਦੇ ਯੋਗ ਕਰਦਾ ਹੈ, ਜਿੱਥੇ ਕਿ ਮੁਫ਼ਤ ਕੋਡ ਉਪਲੱਬਧ ਨਹੀਂ ਜਾਂ ਵੰਡੇ ਨਹੀਂ ਗਏ (ਕਾਨੂੰਨੀ ਕਾਰਨਾਂ ਕਰਕੇ)। ਇਹਨਾਂ ਵਿੱਚ AC3, WMA,, MP3 ਅਤੇ ਹੋਰਾਂ ਲਈ ਸਹਾਇਤਾ ਸ਼ਾਮਿਲ ਹੋ ਸਕਦੀ ਹੈ। ਇੱਕ ਲਾਈਸੈਂਸ, ਪਰ ਮੁਫ਼ਤ MP3 ਪਲੱਗਇਨ ਜੀਸਟਰੀਮਰ 0.10 ਪਹਿਲਾਂ ਹੀ Fluendo, ਜੀਸਟਰੀਮਰ ਦਾ ਲੰਮੇ ਸਮੇਂ ਤੋਂ ਸਹਿਯੋਗੀ, ਵਲੋਂ ਉਪਲੱਬਧ ਕਰਵਾਈ ਗਈ ਹੈ।

ਗਨੋਮ ਨੂੰ ਮਾਣ ਹੈ ਕਿ ਇਹ ਸੰਰਚਨਾ ਲਈ ਸੌਖਾ ਅਤੇ ਉਪਭੋਗੀਆਂ ਨੂੰ ਆਮ ਚੋਣਾਂ ਦਿੰਦਾ ਹੈ, ਜਦੋਂ ਕਿ ਹਾਲ਼ੇ ਵੀ ਲੱਚਕੀਲਾ ਹੈ। ਗਨੋਮ ਕੰਟਰੋਲ ਕੇਂਦਰ ਨੇ ਕਾਫ਼ੀ ਕੰਮ ਆਸਾਨ ਕਰ ਦਿੱਤਾ ਹੈ, ਤਾਂ ਤੁਸੀਂ ਆਪਣੀ ਪਸੰਦ ਨੂੰ ਸੌਖੀ ਤਰ੍ਹਾਂ ਅਤੇ ਤੇਜ਼ੀ ਨਾਲ ਸੈੱਟ ਕਰ ਸਕੋ।

ਚਿੱਤਰ 17 ਇੱਕ ਸੂਚੀ ਤੋਂ ਚੋਣ ਕਰਕੇ ਜਾਂ ਇੱਕ ਕਮਾਂਡ ਦੇਕੇ ਆਪਣੀ ਪਸੰਦੀਦਾ ਕਾਰਜ ਦਿਓ।

ਚਿੱਤਰ 18 ਉਪਲੱਬਧ ਧੁਨੀਆਂ 'ਚੋਂ ਚੁਣੋ ਜਾਂ ਫਾਇਲ ਸਿਸਟਮ ਉੱਤੇ ਆਪਣੀ ਫਾਇਲ ਦੀ ਚੋਣ ਕਰੋ।

ਪੱਸੁਲੁਸ ਇੱਕ ਤਾਲਾਬੰਦ ਸੰਪਾਦਕ ਹੈ, ਜੋ ਕਿ ਪਰਸ਼ਾਸ਼ਕ ਨੂੰ ਗਨੋਮ ਵੇਹੜੇ ਦੇ ਕੁਝ ਫੀਚਰਾਂ ਨੂੰ ਆਸਾਨੀ ਨਾਲ ਆਯੋਗ ਕਰਨ ਲਈ ਸਹਿਯੋਗੀ ਹੈ, ਜੋ ਕਿ ਇੱਕ ਵੱਡੇ ਸੰਗਠਨ ਵਾਤਾਵਰਨ ਅਤੇ ਇੰਟਰਨੈੱਟ ਕੈਫ਼ੇ ਵਿੱਚ ਲੋੜੀਦਾ ਹੁੰਦਾ ਹੈ। ਹਾਲਾਂਕਿ ਗਨੋਮ ਵਿੱਚ ਤਾਲਾਬੰਦ ਫੀਚਰ ਪਿਛਲੇ ਕਈ ਵਰ੍ਹਿਆਂ ਤੋਂ ਉਪਲੱਬਧ ਹੈ, ਪਰ ਪੱਸੁਲੁਸ ਨੇ ਪਰਸ਼ਾਸ਼ਕਾਂ ਲਈ ਇਹ ਕੰਮ ਨੂੰ ਕਾਫ਼ੀ ਸੌਖਾ ਕਰ ਦਿੱਤਾ ਹੈ।

ਚਿੱਤਰ 19 ਉਪਭੋਗੀਆਂ ਵਲੋਂ ਸਿਸਟਮ ਨੂੰ ਬੰਦ ਕਰਨ ਤੋਂ ਰੋਕਣ ਲਈ ਤਾਲਾਬੰਦ ਸੰਪਾਦਕ ਦੀ ਵਰਤੋਂ

ਕੁਝ ਆਯੋਗ ਕੀਤੇ ਜਾ ਸਕਣ ਵਾਲੇ ਫੀਚਰਾਂ ਵਿੱਚ ਹਨ:

ਸਾਬਾਯੋਨ ਪਰਸ਼ਾਸ਼ਕਾਂ ਨੂੰ ਇੱਕ ਚੱਲਦੇ ਗਨੋਮ ਅਜਲਾਸ ਵਿੱਚ ਉਪਭੋਗੀ ਪਰੋਫਾਇਲ ਤਿਆਰ ਕਰਨ ਲਈ ਸਹਾਇਕ ਹੈ। ਜਦੋਂ ਇੱਕ ਪਰੋਫਾਇਲ ਬਣਾਇਆ ਜਾਂ ਸੋਧਿਆ ਜਾਂਦਾ ਹੈ, ਤਾਂ ਇਹ ਅੰਦਰੂਨੀ ਗਨੋਮ ਅਜਲਾਸ ਸ਼ੁਰੂ ਕੀਤਾ ਜਾਂਦਾ ਹੈ, ਜਿਸ ਨੂੰ ਪਰਸ਼ਾਸ਼ਕ ਜੀ-ਕਾਨਫ਼ ਮੂਲ ਅਤੇ ਲਾਜ਼ਮੀ ਕੁੰਜੀਆਂ ਤਬਦੀਲ ਕਰਨ ਲਈ ਵਰਤ ਸਕਦੇ ਹਨ ਜੋ ਕਿ ਉਹਨ ਆਪਣੇ ਗਨੋਮ ਅਜਲਾਸ ਵਿੱਚ ਚਾਹੁੰਦੇ ਹਨ।

ਚਿੱਤਰ 20 ਸਾਬਾਯੋਨ ਇੱਕ ਉਪਭੋਗੀ ਪਰੋਫਾਇਲ 'ਚ ਸੋਧ ਕਰਦਾ ਹੋਇਆ

ਅੰਦਰੂਨੀ ਝਰੋਖੇ ਵਿੱਚ ਇੱਕ ਸਿਸਟਮ ਪਰਸ਼ਾਸ਼ਕ ਕੰਮ ਅਧਾਰਿਤ (ਜਿਵੇਂ ਕਿ ਸਵਾਗਤੀ, ਡਾਟਾ ਦੇਣ ਵਾਲਾ ਕਲਾਰਕ, ਪਰੋਗਰਾਮਰ, ਹਿਊਮਨ ਰੀਸੋਰਸ ਮੈਨੇਜਰ ਆਦਿ) ਲਈ ਨਿੱਜੀ ਪਰੋਫਾਇਲ ਬਣਾ ਸਕਦਾ ਹੈ। ਇਹ ਪਰੋਫਾਇਲਾਂ ਨੂੰ ਸਿਸਟਮ ਪਰਸ਼ਾਸ਼ਕ ਦਾ ਸਮਾਂ ਬਚਾਉਣ ਲਈ ਅਤੇ ਸੌਖੀ ਤਰ੍ਹਾਂ ਕਈ ਡਿਸਕਟਾਪ ਮਸ਼ੀਨਾਂ ਉੱਤੇ ਵੰਡਿਆ ਜਾ ਸਕਦਾ ਹੈ। ਪਰੋਫਾਇਲਾਂ ਵਿੱਚ ਸੋਧ ਹੋ ਸਕਦੀ ਹੈ ਅਤੇ ਇਹਨਾਂ ਨੂੰ ਉਪਭੋਗੀ ਦੇ ਸੁਝਾਵਾਂ ਮੁਤਾਬਕ ਹੋਰ ਸੁਧਾਰਿਆ ਜਾ ਸਕਦਾ ਹੈ ਅਤੇ ਕਿਉਕਿ ਉਹ ਇੱਕ ਕੇਂਦਰੀ ਟਿਕਾਣੇ ਉੱਤੇ ਹਨ, ਇਸਕਰਕੇ ਪਰਬੰਧ ਅਤੇ ਵੰਡਣਾ ਆਸਾਨਾ ਹੈ।

GLib 2.10 ਵਾਂਗ, GSlice ਐਲੋਕੇਟਰ GLib ਵਿੱਚ ਉਪਲੱਬਧ ਪੁਰਾਣੇ GMemChunk ਅਤੇ GTrashStacks API ਨੂੰ ਤਬਦੀਲ ਕਰ ਦੇਵੇਗਾ। GSlice ਕਰਨਲ (kernel) slab ਐਲੋਕੇਟਰ ਵਾਂਗ ਹੀ ਅਤੇ ਛੋਟੇ ਸਰੋਤਾਂ (ਜਿਵੇਂ ਕਿ GList ਇਕਾਈਆਂ, GtkWindow ਢਾਂਚਿਆਂ) ਲਈ ਤੇਜ਼ੀ ਨਾਲ ਅਤੇ ਮੈਮੋਰੀ-ਅਨੁਕੂਲ ਨਾਲ ਜਾਰੀ ਕਰਨ ਲਈ ਸਹਾਇਕ ਹੈ। GSlice ਵਿੱਚ GMemChunk ਵਾਂਗ ਕੋਈ ਤਾਲਾਬੰਦ ਸਿਰਦਰਦੀ ਨਹੀਂ ਹੈ, ਜਿਸ ਨਾਲ ਬਹੁ-ਥਰਿੱਡ ਕਾਰਜਾਂ ਵਿੱਚ ਕਾਫ਼ੀ ਤੇਜ਼ੀ ਉਪਲੱਬਧ ਕਰਵਾਉਦੀ ਹੈ।

ਚਿੱਤਰ 21 ਮੈਮੋਰੀ ਐਲੋਕੇਟਰ ਸਮਰੱਥਾ 10 ਲੱਖ GList ਇਕਾਈਆਂ 1 (ਲਾਲ), 5 (ਪੀਲਾ), 10 (ਹਰਾ), ਅਤੇ 20 (ਨੀਲਾ) ਥਰਿੱਡਾਂ ਨੂੰ ਜਾਰੀ ਕਰਨ ਅਤੇ ਮੁਕਤ ਕਰਨ ਦੀ ਹੈ।

GMemChunk ਨੂੰ GSlice ਦੀ ਵਰਤੋਂ ਕਰਕੇ ਮੁੜ-ਬਣਾਇਆ ਗਿਆ ਹੈ, ਪਰ GMemChunk API ਨੂੰ ਬਰਤਰਫ਼ ਕਰਨ ਲਈ ਤਿਆਰ ਕੀਤਾ ਗਿਆ ਹੈ।

GSlice ਐਲੋਕੇਟਰ ਵਿੱਚ ਮੈਮੋਰੀ ਜਾਰੀ ਕਰਨ ਲਈ g_slice_new (MyStructure); ਦੀ ਵਰਤੋਂ ਕਰੋ, ਜੋ ਕਿ ਇੱਕ ਸੰਕੇਤਕ (pointer (ptr)) ਦੇਵੇਗਾ। GSlice ਨਾਲ ਦਿੱਤੀ ਮੈਮੋਰੀ ਨੂੰ ਖਾਲੀ ਕਰਨ ਲਈ g_slice_free (MyStructure, ptr); ਫੰਕਸ਼ਨ ਦੀ ਵਰਤੋਂ ਕਰੋ।

GSlice ਵੱਖਰੇ ਅਕਾਰ ਦੇ ਭਾਗਾਂ (slices) ਦੇ ਫੈਲਣਯੋਗ, ਥਰਿੱਡ-ਲੋਕਲ ਕੈਂਚੇ ਦੀ ਵਰਤੋਂ ਕਰਦਾ ਹੈ। ਵੱਡੀ ਮੈਮੋਰੀ ਲੋੜ ਲਈ GSlice ਤੁਹਾਡੇ ਲਈ g_malloc ਐਲੋਕੇਟਰ ਦੀ ਵਰਤੋਂ ਬੜੇ ਪਾਰਦਰਸ਼ੀ ਅਤੇ ਸਵੈ-ਚਾਲਤ ਢੰਗ ਨਾਲ ਕਰਦਾ ਹੈ, ਇਸ ਨਾਲ ਖੋਜੀਆਂ ਨੂੰ ਆਪਣੇ ਲਈ ਸਭ ਤੋਂ ਅਨੁਕੂਲ ਐਲੋਕੇਟਰ ਦੀ ਖੋਜ ਦੀ ਲੋੜ ਨਹੀਂ ਰਹੀ ਹੈ।

ਨਵਾਂ ਗਨੋਮ ਹੁਣ ਖੋਜੀਆਂ ਨੂੰ ਆਪਣੇ ਕਾਰਜ ਗਨੋਮ ਦੇ ਸ਼ੁਰੂ ਹੋਣ ਸਮੇਂ ਸਵੈ-ਚਾਲਤ ਹੀ ਸ਼ੁਰੂ ਕਰਨ ਲਈ ਲਈ ਰਜਿਸਟਰ ਕਰਨ ਦਾ ਢੰਗ ਦਿੰਦਾ ਹੈ। ਇੰਝ ਕਰਨ ਲਈ, ਤੁਹਾਨੂੰ ਸਿਰਫ਼ $prefix/share/gnome/autostart/, /etc/xdg/autostart/ ਜਾਂ ~/.config/autostart/ ਵਿੱਚ .desktop ਫਾਇਲ ਇੰਸਟਾਲ ਕਰਨ ਦੀ ਲੋੜ ਹੈ। ਜੇਕਰ ਤੁਸੀਂ ਕੋਈ ਸੇਵਾ ਇੰਸਟਾਲ ਕਰਨੀ ਚਾਹੁੰਦੇ ਹੋ, ਜੋ ਕਿ ਮੂਲ ਰੂਪ ਵਿੱਚ ਆਯੋਗ ਹੋਵੇ ਤਾਂ ਤੁਸੀਂ X-GNOME-autostart-enabled = False ਵਿਸ਼ੇਸ਼ਤਾ ਜੋੜ ਸਕਦੇ ਹੋ।

ਇਹ ਢੰਗ ਨਾਲ ਸੇਵਾਵਾਂ ਰਜਿਸਟਰ ਕਰਵਾਉਣ ਦੇ ਕੁਝ ਕਾਰਨ ਹਨ: