Brajlaj Preferaĵoj
Ebligi Brajlan Subtenadon
Tiu ĉi markobulono ŝaltas/malŝaltas ĉu Orko uzos brajlan ekranon. Se BrlTTY ne funkcias, Orko reakiros gracie kaj ne komunikos kun la brajla ekrano.
Defaŭlta valoro: nemarkita
Se vi agordas BrlTTY poste, vi devas restarigi Orko por uzi brajlon.
Ebligi vorttransigon
Se Ebligi vorttransigon estas markita, Orko alĝustigos la tekston por ke nur kompletaj vortoj estu montrataj sur la brajla ekrano. Se ĝi ne estas markita, Orko uzos ĉiujn ĉelojn sur la ekrano por ke pli da teksto povu esti montrata samtempe.
Defaŭlta valoro: nemarkita
Ebligi Mallongigitan Brajlon
Orko subtenas mallongigitan brajlon per la projekto liblouis. Ĉar multaj distribucioj inkluzivas liblouis, vi verŝajne aŭtomate havos aliron al mallongigita brajla subteno en Orko.
Por ebligi mallongigitan brajlon en sistemo kie liblouis estas instalita, certigu ke la Ebligi Mallongigitan Brajlon markobulono estas markita. Poste elektu vian dezirindan traduk-tabelon el la Kuntigtabelo kombinujo.
Defaŭlta valoro: nemarkita
Mallongigitaj Rolnomoj
Tiu ĉi markobulono determinas la manieron en kiu rolnomoj estas montrataj kaj povas esti uzata por helpi konservi spacon sur la brajla ekrano. Ekzemple, se glitilo havus fokuson, la vorto "slider" estus montrota se mallongigitaj rolnomoj ne estas markita; se ĝi estus markita, "sldr" estus montrata anstataŭe.
Defaŭlta valoro: nemarkita
Malebligi findolinian simbolon
Markante tiun ĉi markobulonon, oni diras al Orko ne prezenti la ĉenon "$l" ĉe la fino de teksta linio.
Defaŭlta valoro: nemarkita
Parolindeco
Tiu ĉi radikbutona grupo determinas la kvanton da informo kiu estos brajlita en certaj situacioj. Ekzemple, se ĝi estas agordita al detala, klavkombinaj kaj rolnomaj informoj estas montrataj. Tiu informo ne estas montrata en mallonga reĝimo.
Defaŭlta valoro: Detala
Elektaj kaj Hiperligaj Indikatoroj
La Elekta Indikatorio kaj Hiperliga Indikatorio radikbutonaj grupoj permesas al vi agordi la konduton de Orko dum montrado de elektita teksto kaj hiperligiloj. Defaŭlte, kiam vi renkontas iu ajn, Orko "substrekos" tiun tekston sur via brajla ekrano per Punktoj 7 kaj 8. Se vi preferas, vi povas ŝanĝi la indikatorilon por esti nur Punkto 7, nur Punkto 8, aŭ tute ne ĉeesti.
Defaŭlta valoro: Punktoj 7 kaj 8
Tekstatributaj Indikatoroj
Vi ankaŭ opcie povas havi tekstatributojn indikatajn en brajlo. Ebligo de tiu ĉi trajto kaj elekto de kiuj atributoj estas interesaj estas farata sur la Tekstatributoj paĝo de la preferaĵa dialogo.
Agordoj pri Ekbrilaj Mesaĝoj
Ekbrilaj mesaĝoj estas similaj laŭ naturo al sciigoj aŭ anoncoj: Ili estas montrataj sur via ĝisdatigebla brajla ekrano por mallonga tempo, post kio la originalaj enhavoj de la brajla ekrano estas restarigitaj. Orko havas plurajn agordojn kiujn vi povas uzi por kontroli la prezentadon de ekbrilaj mesaĝoj.
Ebligi ekbrilajn mesaĝojn
Se Ebligi ekbrilajn mesaĝojn estas markita, Orko prezentados mesaĝojn al vi en brajlo. Se vi preferas havi nur la mesaĝojn de Orko parolditajn, vi devus malmarki tiun ĉi markobulonon.
Defaŭlta valoro: markita
Mesaĝoj estas detalaj
Se Mesaĝoj estas detalaj estas markita, Orko prezentados detalajn mesaĝojn al vi en brajlo. Ekzemple, se vi uzas la komandon de Orko por ŝanĝi eĥon, Orko eble montros "Eĥo agordita al vorto." Se vi preferas pli mallongajn mesaĝojn, kiel simple "vorto," vi devus malmarki tiun ĉi markobulonon.
Defaŭlta valoro: markita
Mesaĝoj estas persistaj
Kiel menciite supre, ekbrilaj mesaĝoj estas montrataj nur dum mallonga tempoperiodo. Se vi preferas ke mesaĝoj restu montrataj ĝis vi efektigas agon kaŭzantan ĝisdatigon de via ekrano, vi devus marki la Mesaĝoj estas persistaj markobulonon.
Defaŭlta valoro: nemarkita
Daŭro (sekundoj)
La tempokvanto kiun Orko atendos antaŭ ol forigi la mesaĝon kaj restarigi la originalan enhavon de via ekrano povas esti agordita en la Daŭro (sekundoj) rotacilo. Rimarku ke la valoro de tiu ĉi agordo estos ignorata se vi ebligis persistajn ekbrilajn mesaĝojn.
Defaŭlta valoro: 5