Ĝeneralaj Preferaĵoj
Klavara Aranĝo
La Klavara Aranĝo radikbutona grupo permesas al vi specifi ĉu vi laboros sur labortabla (t.e. kun numera klavareto) aŭ tekkomputila klavaro. Kiun aranĝon vi elektas determinos kaj la Orko Modifier kaj ankaŭ nombron da klavkombinojn por efektivigi Orko komandojn.
Defaŭlta valoro: Labortablo
Prezenti Ilsugestilojn
Kiam markita, tiu ĉi opcio diros al Orko prezenti informon pri ilsugestiloj kiam ili aperas kiel rezulto de musa svebado. Specifaj agoj por devigi aperon de ilsugestiloj, kiel premado de Ctrl+F1 kiam objekto havas fokuson, ĉiam rezultigos en prezentado de ilsugestiloj, sendepende de tiu ĉi agordo.
Defaŭlta valoro: nemarkita
Paroldiri Objekton Sub Muso
Kiam markita, tiu ĉi opcio diros al Orko prezenti informon pri la objekto sub la musa montrilo dum vi movas ĝin ĉirkaŭ la ekrano uzante la Musa Revizio trajton de Orko.
Defaŭlta valoro: nemarkita
Tempoformato kaj Datformato
La Tempoformato kaj Datformato kombinujoj permesas al vi specifi kiel Orko paroldiros kaj brajlos la tempon kaj la daton.
Defaŭlta valoro: uzi la sisteman lokalan formaton por ĉiu el ili
Anonci Kuntekstan Informon en Diri Ĉion
Orko opcie povas provizi pli da informo pri la paroldirota dokumenta enhavo, kiel anonci kiam vi eniras kaj eliras blokcitaĵon, liston, tabelon, aŭ alian ujon. Ĉu tiuj ĉi anoncoj estas farataj aŭ ne povas esti agordita sendepende per la sekvaj markobutonoj:
Anonci blokcitaĵojn en Diri Ĉion
Anonci formularojn en Diri Ĉion
Anonci ŝildomerkojn en Diri Ĉion
Anonci listojn en Diri Ĉion
Anonci panelojn en Diri Ĉion
Anonci tabelojn en Diri Ĉion
Defaŭlta valoro: markita
Ĉu Orko faras tiujn ĉi anoncojn dum navigado aŭ ne estas ankaŭ agordebla. Vi trovos similajn markobulonojn sur la Parolo paĝo. Por pli da informo, vidu Paroldirota Kunteksto.
Diri Ĉion Per
La Diri Ĉion Per kombinujo permesas al vi specifi ĉu Orko paroldiras po unu frazon aŭ po unu linion dum "Diri Ĉion" de dokumento.
Defaŭlta valoro: Frazo
Profiloj
La grupo de kontroloj Profiloj, kiu aperas ĉe la malsupro de la paĝo Ĝenerala, ebligas al vi prizorgi kaj uzi plurajn agordojn.
La kombokesto Aktiva Profilo montras la nunan profilon kaj permesas al vi elekti alian profilon por ŝargi.
La butono Ŝargi igos Orko ŝargi la profilon indikitan en la kombokesto Aktiva Profilo.
La butono Konservi Kiel permesas al vi konservi la aktualan aron da opcioj el la dialogo de agordoj al nomita profilo.
La kombokesto Startiga Profilo permesas al vi elekti la profilon kiu aŭtomate ŝargiĝu ĉiufoje kiam vi lanĉas Orko.
Ĝisdatigoj de Progresobaro
Paroli ĝisdatigojn
Se la markobutono Paroli ĝisdatigojn estas markita, Orko periode parolados la staton de progresobaroj.
Defaŭlta valoro: markita
Brajlaj ĝisdatigoj
Se la markobutono Brajlaj ĝisdatigoj estas markita, Orko periode montros la staton de progresobaroj sur via refreŝebla brajla ekrano.
Defaŭlta valoro: nemarkita
Blipaj ĝisdatigoj
Se la markobutono Blipaj ĝisdatigoj estas markita, Orko periode eligas blipojn, kiuj kreskas en tonalto laŭ kiam la valoro de la progresobaro kreskas.
Defaŭlta valoro: nemarkita
Ofteco (sekundoj)
Ĉi tiu turnbutono determinas kiom ofte aperadas ĝisdatigoj.
Defaŭlta valoro: 10
Aplikiĝas al
Ĉi tiu kombokesto permesas al vi kontroli kiuj progresobaroj montriĝu, supozante ke la prezentado de progresobar-ĝisdatigoj estis ebligita. La ebloj estas Ĉiuj, Aplikaĵo, kaj Fenestro.
Elekti Ĉiuj igos Orko prezenti ĝisdatigojn por ĉiuj progresobaroj, sendepende de kie la progresobaroj troviĝas.
Elekti Aplikaĵo igos Orko prezenti ĝisdatigojn de progresobaroj en la aktiva aplikaĵo, eĉ se ili ne troviĝas en la aktiva fenestro.
Elekti Fenestro igos Orko prezenti ĝisdatigojn nur por progresobaroj en la aktiva fenestro.
Defaŭlta valoro: Aplikaĵo