Белешки за изданието GNOME 2.22

Figure 2 Програмата Cheese.

GNOME 2.22 носи нова апликација, Cheese. Cheese Ви овозможува правење на фотографии и видеа со користење на веб камерата на Вашиот компјутер. Можете да додадете разни ефекти како mauve, noir/blanc, shagadelic и warp. Можете да ги споделите овие фотографии и видеа со Вашите пријатели, да ги вчитате во F-Spot, или да ги поставите како фотографија за Вашата сметка.

GNOME 2.22 вклучува композитинг на прозорци за платформите кои го поддржуваат тоа. Во согласност со политиката за едноставност на GNOME, овие опции се минимално користени. Најочигледни промени се фрлањата сенки на прозорците, живите прегледи при промена на прозорците со Alt+Tab и ефектите за транспаретност.

Не секој хардвер за графика поддржува композитинг, па оваа опција моментално е стандардно исклучена и уште не се прикажува во опциите. Можете да ја извршите следната команда: gconftool-2 -s --type bool /apps/metacity/general/compositing_manager true од дијалог прозорецот за извршување на програми во уредувачот на конфигурации. За да го исклучите композитингот, поставете го овој клуч на false.

GNOME 2.22 го претставува GVFS: нов мрежен транспарентен слој за датотечни системи за GTK+. GVFS е дизајниран да ги надмине недостатоците на постариот GNOME-VFS систем. Подобрувањата на GNOME-VFS вклучуваат помнење на акредитациите за целата сесија и помалата појава на грешки. Многу GNOME апликации веќе користат GVFS, вклучувајќи ги сите апликации од јадрото.

Со преминот на GVFS, GNOME сега ја користи спецификацијата од Freedesktop.org за корпата за ѓубре за справување со избришаните датотеки.

Достапни се и некои нови протоколи. cdda:// ќе ги прикаже сите аудио траки на CD, достапни како WAV датотеки. gphoto2:// ќе Ви даде пристап до поврзаните дигитални фотоапарати.

Менаџерот на датотеки на GNOME сега попаметно се справува со преносливите медиуми и сега прикажува лента со информации со можните дејства кога внесувате пренослив медиум или прелистувате папка на пренослив медиум.

Техничките информации за GVFS се достапни под Section 6.1 ― GVFS и GIO во одделот „Што има ново за развивачите“.

Пуштачот на филмови за GNOME сега нуди подобрена поддршка за пуштање DVD, како и поддршка за дигитална телевизија (DVB). Во 2.22 се појавуваат и нови приклучоци, вклучувајќи поддршка за MythTV, Youtube и пребарување базирано на Tracker. Ова издание вклучува и споделување на плејлисти и можност за избор на титлови за датотеките.

GNOME 2.22 ја претставува можноста за пуштање на Flash содржини и видео со користење на слободниот Flash декодер swfdec.

Нема потреба да правите пресметки за да знаете кога започнува Вашата телефонска конференцијa во Сиднеј. GNOME 2.22 сега има вградена интернационализација во неговиот часовник. Можете да додадете повеќе локации од светот за да го видите локалното време и временска прогноза.

Figure 3 Интернационалниот часовник.

Evolution продолжува со подобрување со новата поддршка за Google календари и прилагодени етикети за пораките (тагирање) за Вашата е-пошта.

Figure 4 Evolution прикажува Google календар.

Се работеше и на подобрување на брзината на филтрирање на спам пораките и на правењето на дијалог прозорци со грешки помалку нападни на Вашата работна околина преку користење на статусната лента, наместо скокачки прозорци.

Нов во GNOME 2.22 е прегледувачот на оддалечена работна околина. Оваа апликација ја надополнува постоечката поддршка за сервери за оддалечени работни околини во GNOME. Има способност за откривање на машини на локалната мрежа и обележување на омилените.

Figure 5 Прегледувачот на оддалечени работни околини поврзан со тековната работна површина.

На корисниците кои што сакаат да имаат повеќе контрола врз серверот за оддалечени работни околини добро ќе им послужи јазичето Напредно во дијалогот за својства.

Преференциите за распоред на тастатурата и пристапноста на тастатурата се споија во еден дијалог, со што секое поставување на тастатурата сега се наоѓа на едно место. Кратенките на тастатурата за работната површина остануваат истите.

Figure 6 Новиот дијалог прозорец за преференции на тастатурата.

GNOME 2.22 доаѓа со многу поправени бубачки и подобрувања кои беа побарани од корисниците во последните шест месеци на развојот, вклучувајќи:

Orca, технологијата за читање на екранот на GNOME, доаѓа со бројни подобрувања во верзијата 2.22. Блиската соработка со Mozilla доведе до одлична пристапност на Firefox 3, вклучувајќи ја и поддршката на Orca за пристапни брзи интернет апликации (Accessible Rich Internet Applications (ARIA)) and „живи региони“ (Live Regions). Ова овозможува побогата пристапност на денешните модерни, динамички веб апликации.

Orca во GNOME 2.22 исто така носи поддршка за скратени брајови знаци од нивото 2. Исто така беше вложен многу труд во подобрувањето на квалитетот и стабилноста на Orca.

Зголемувачот на екранот беше подобрен и сега може да ги користи придобивките од технологиите како X композитирањето за да овозможи поглатко лизгање и лизгање на цел екран на хардвер кој го поддржува тоа. Исто така има подобрена поддршка за филтери за слепило на бои.

GNOME 2.22 сега вклучува збир од повеќе специјални подобрувања на пристапноста за контролирање на глувчето. Од нив издвојуваме:

Figure 7 Опции за пристапност на глувчето.

PolicyKit е нов повеќеплатформски безбедносен фрејмворк. Целта на PolicyKit е да овозможи начин за корисничките апликации да добијат додатни привилегии, на пр. административните апликации.

Со користење на PolicyKit, администраторите сега ќе можат да конфигурираат поставувања на целиот систем. На пример, можеби сакате да го поставите времето и датумот или да им дозволите на корисниците да стартуваат или стопираат системски сервиси.

За корисниците, контролните панели сега вклучуваат копчиња за отклучување, веднаш до поставувањата кои моментално не се авторизирани за промена. Со кликнување на копчето за отклучување, од корисникот ќе бидат побарани додатни информации за авторизација.

Figure 8 Мрежни поставувања.

Алатките за системска администрација на GNOME сега ги надгледуваат промените на конфигурациските датотеки кои ги уредуваат. Ова значи дека ако друг администратор ја промени конфигурацијата, Вашиот приказ се освежува, прикажувајќи ги промените.

Алатката споделени папки сега Ви овозможува да ја уредувате базата на корисници на SMB (smbpasswd).

Алатката мрежи сега може да поставува PPPoE и GPRS врски.

GVFS е јузерспејс виртуелен датотечен систем со бекенди за протоколи како SFTP, FTP, DAV, SMB, ObexFTP. GVFS е замена за GNOME-VFS. GNOME-VFS отсега се смета за застарен и развивачите не треба да го користат во нови апликации.

GVFS се состои од два дела:

GVFS/GIO цели да обезбеди модерен VFS систем кој е лесен за употреба. Неговата цел е да обезбеди API кое развивачите ќе го преферираат над POSIX IO повиците. Наместо да го клонира POSIX IO API-то, GVFS овозможува интерфејс од повисоко ниво кој е центриран околу документи. Покрај читање и запишување на датотеки, GIO овозможува можности за надгледување на датотеки, асинхрон IO и довршување на имињата на датотеките.

GVFS работи со извршување на еден главен демон (gvfsd) кој што се грижи за тековните GVFS монтирања. Секое монтирање се извршува во посебен демон. (Некои монтирања споделуваат процес-демон, но повеќето не го прават тоа.) Клиентите комуницираат со монтирањата преку комбинација од D-Bus повици (на магистралата на сесијата и со користење на peer-to-peer D-Bus) и прилагоден протокол за содржини на датотеки. Преместувањето на бекендите надвор од процесот го минимизира нередот на зависности за апликациите и го прави целиот систем робустен.

GVFS исто така нуди и FUSE точка за монтирање во ~/.gvfs/ така што GVFS монтирањата може да се поврзат со стари апликации кои разбираат POSIX IO.

За разлика од GNOME-VFS, поврзувањата во GVFS се постојани. Тоа значи дека корисникот треба да ја внесе лозинката само еднаш во текот на една успешна врска.

Со преминувањето на GVFS, автоматското монтирање и стартување се управувани директно од Nautilus наместо преку gnome-volume-manager.

API документацијата за користење на GIO е достапна онлајн заедно со водичите за миграција од POSIX IO и GNOME-VFS на GIO.

Интегрираната развојна околина Anjuta сега е дел од развојниот пакет на GNOME. Anjuta ИРО интегрирана во GNOME која на развивачите им овозможува многу опции како што се: вграден дебагер, интегриран уредувач на кориснички интерфејс и Valgrind интерфејс.

Figure 9 Листа на задачи за Anjuta.