Zaŭvahi da vydańnia GNOME 2.22

Vyjava 2 Prahrama Cheese.

U GNOME 2.22 źjaviłasia novaja aplikacyja, Cheese. Cheese dazvalaje rabić zdymki j videa na web-kameru kamputara. Dla hetych medyjaŭ možna ŭžyć raznastajnyja efekty (napr., nakładańnie śvietlalilovaha koleru, zaciamnieńnie, vyśviatleńnie, pierakošańnie dy inšyja). Ty možaš dasłać ich svaim siabram, zahruzić u prahramu F-Spot ci zrabić zdymkam dla tvajho kontu.

GNOME 2.22 dadaje mahčymaść kampazycyi voknaŭ na platformach, jakija jaje padtrymlivajuć. U adpaviednaści z pryncypam lohkaści vykarystańnia GNOME, hetaja mahčymaść nie pierahruvaščvaje rabočy stoł. Najbolej zaŭvažnymi źmienami źjaŭlajucca cieni ad voknaŭ, žyvy prahlad voknaŭ pry ich pieraklučeńni klavišami Alt+Tab dy efekty prazrystaści.

Nia ŭsiakaja hrafičnaja aparatura stabilna pracuje z kampazycyjaj, tamu hetaja mahčymaść pakul što zmoŭčana adklučanaja i nia vystaŭlenaja ŭ naładach. Kali ty ŭpeŭnieny, što pracuješ z hrafičnaj aparaturaj, jakaja padtrymlivaje kampazycyju, tady možaš vykanać nastupny zahad: gconftool-2 -s --type bool /apps/metacity/general/compositing_manager true albo vystaviŭšy adpaviedny kluč praz Redaktar naładaŭ. Kab adklučyć kampazycyju, vystaŭ hety kluč u false.

U GNOME 2.22 źjaviłasia padtrymka GVFS, novaha srodku dla pracy ź virtualnymi fajłavymi systemami dla GTK+, jaki nie zaležyć ad miesca pałažeńnia resursaŭ. Systema GVFS sprajektavanaja takim čynam, kab złamać abmiežavańni zastarełaj systemy GNOME-VFS. Napr., ciapier nia treba pomnić źviestki dla aŭtaryzacyi ciaham usioj sesii, a praca z fajłami stała bolš ustojlivaj pry pamyłkach. Šmatlikija aplikacyi GNOME užo pracujuć praz GVFS, u tym liku asnoŭnyja prahramy asiarodździa.

Pierajšoŭšy na systemu GVFS, GNOME ciapier trymajecca specyfikacyi Śmietnicy ad prajektu Freedesktop.org, kab zachoŭvać vydalenyja fajły.

Taksama ciapier padtrymlivajecca bolš pratakołaŭ. cdda:// ciapier pakazvaje ŭsie hukavyja ściežki na dysku CD, dastupnyja ŭ farmacie fajłaŭ WAV. gphoto2:// daje dostup da padłučanaj ličbavaj kamery.

Kiraŭnik fajłaŭ GNOME ciapier lepiej pracuje sa źmiennymi nośbitami i pakazvaje infarmacyjnuju panel z mahčymymi dziejańniami, kali ty ŭstaŭlaješ źmienny nośbit ci pierachodziš u kataloh na im.

Techničnyja źviestki pra GVFS dastupnyja ŭ raździele Padraździeł 6.1 ― GVFS i GIO Navinak dla prahrameraŭ.

U Videaplayery GNOME palepšyłasia padtrymka čytańnia DVD, a taksama ličbavaj televizii (DVB). U GNOME 2.22 źjavilisia novyja pluginy, napr., dla padtrymki MythTV, Youtube i pošuku praz Tracker. Jość padtrymka publikacyi śpisu i mahčymaść vybirać subtytry dla fajłaŭ.

GNOME 2.22 moža pracavać z fajłami Flash, u tym liku ź videafajłami, z dapamohaj svabodnaha dy adkrytaha dekodera Flash swfdec.

Ciapier nia treba samomu vyličvać, kali ž pačniecca telekanferencyja z tvaim udziełam u Sydnei. GNOME 2.22 ciapier maje admysłovuju internacyjanalizacyju hadzińnika. Prosta dadaj miescy na ziamnoj kuli i naziraj za tamtejšym časam i nadvorjem.

Vyjava 3 Internacyjanalizavany hadzińnik.

Evolution praciahvaje ciešyć svaich karystalnikaŭ. U hetaj versii źjaviłasia padtrymka kalendaroŭ Google i ŭłasnych etykietak (cetlikaŭ) dla paštovych listoŭ.

Vyjava 4 Evolution pakazvaje kalandar Google.

Taksama viałasia praca pa pavieličeńni chutkaści filtravańnia spamu. Paviedamleńni ab pamyłkach ciapier mienš zaminajuć pracavać, bo pakazvajucca nie ŭ vypłyŭnych voknach, ale ŭ paneli statusu.

U GNOME 2.22 źjaviŭsia Prahladalnik addalenych stałoŭ. Hetaja aplikacyja dapaŭniaje najaŭny server addalenych stałoŭ GNOME. Jana padtrymlivaje pošuk kamputaraŭ u lakalnaj sietcy i stvareńnie zakładak dla ich.

Vyjava 5 Prahladalnik addalenych stałoŭ pracuje ź dziejnym kamputaram.

Karystalnikam, jakija vymahajuć bolšaj kolkaści mahčymaściaŭ dla servera addalenych stałoŭ, taksama spadabajecca novaja kartka Admysłovaje ŭ dyjalohavym aknie ŭłaścivaściaŭ hetaj prahramy.

Nałady raskładak i dastupnaści klavijatury ciapier spałučanyja ŭ adnym dyjalohavym aknie, u jakim źmiaščajucca ŭsie patrebnyja nałady klavijatury. Klavijaturnyja skaroty asiarodździa pakinutyja asobna.

Vyjava 6 Novaje dyjalohavaje akno naładaŭ klavijatury.

GNOME 2.22 utrymlivaje mnostva vypraŭleńniaŭ i palapšeńniaŭ ad apošnich šaści miesiacaŭ raspracoŭki, miž inšym:

Orca, technalohija čytańnia z ekranu dla GNOME, u versii 2.22 atrymała šerah palapšeńniaŭ. Plonam ščylnaj supracy z prajektam Mozilla stała vydatnaja dastupnaść u Firefox 3, u tym liku ciapier Orca padtrymlivaje Bahatyja Dastupnyja Internetnyja Aplikacyi (ARIA) dy Žyvyja Rehijony (Live Regions). Hetaja padtrymka pavyšaje ŭzrovień dastupnaści sučasnych dynamičnych web-aplikacyjaŭ.

Orca ŭ GNOME 2.22 taksama pačała padtrymlivać kantrastavy alfabet Braille 2. uzroŭniu. Šmat namahańniaŭ było nakiravana i na pavyšeńnie jakaści j stabilnaści hetaj prahramy.

Ekrannaja lupa ciapier moža ŭžyvać takija technalohii, jak kampazycyju X, dla raŭniejšaj i poŭnaekrannaj prakrutki, kali aparatura padtrymlivaje heta. Taksama palepšanaje vykarystańnie admysłovych filtraŭ dla daltonikaŭ.

GNOME 2.22 uklučaje nabor admysłovych palapšeńniaŭ dastupnaści pry kiravańni z dapamohaj myšy. Siarod novych mahčymaściaŭ:

Vyjava 7 Opcyi dastupnaści myšy.

PolicyKit źjaŭlajecca novym srodkam zabieśpiačeńnia biaśpieki dla raznastajnych rabočych asiarodździaŭ. PolicyKit daje prostuju mahčymaść dla aplikacyjaŭ zapytać pra nadańnie dadatkovych pravoŭ, napr. dla administracyjnych prahramaŭ.

Z dapamohaj PolicyKit ciapier administratary mohuć skanfihuravać ahulnyja systemnyja nałady. Napr., ty možaš dazvolić peŭnamu karystalniku źmianiać datu j čas na kamputary, albo nadać peŭnym karystalnikam mahčymaść uklučać i vyklučać systemnyja pasłuhi.

Karystalniki, jakija nia majuć pravoŭ dla źmieny peŭnaj nałady, ciapier majuć mahčymaść atrymać takija pravy z dapamohaj knopki adblakavańnia. Klik na takuju knopku vyklikaje akno z zapytam dadatkovych aŭtaryzacyjnych źviestak.

Vyjava 8 Nałady sietki.

Systemnaje administracyjnaje pryładździe GNOME ciapier sočyć za źmienami ŭ redahavanych kanfihuracyjnych fajłach. Ciapier, kali inšy administratar źmianiaje kanfihuracyju, dyk ty adrazu bačyš źmieny na ekranie.

Pryłada kiravańnia Supolnadastupnyja katalohi ciapier dazvalaje madyfikavać bazu źviestak ab karystalnikach SMB (smbpasswd).

Pryłada kiravańnia Sietka ciapier umieje ŭstaloŭvać spałučeńni praz PPPoE dy GPRS.

GVFS źjaŭlajecca virtualnaj fajłavaj systemaj dla pracy z SFTP, FTP, DAV, SMB, ObexFTP itp, jakaja pracuje ŭ absiahu karystalnika. GVFS zamianiaje GNOME-VFS. GNOME-VFS ličycca zastarełaj systemaj, i prahramery nie pavinny karystacca joju, pišučy novyja aplikacyi.

GVFS składajecca ź dźviuch častak:

GVFS/GIO źjaŭlajecca sučasnaj zručnaj virtualnaj fajłavaj systemaj (VFS). Jana daje prahrameram API, zručniejšaje za vykliki ŭvodu/vyvadu POSIX. Nie paŭtarajučy API uvodu/vyvadu POSIX, jana daje interfejs vysokaha ŭzroŭniu, skiravany na rabotu z dakumentami. Akramia čytańnia j zapisu fajłaŭ, systema GIO daje mahčymaść adsočvać fajły, ažyćciaŭlać niesynchranizavany ŭvod/vyvad dy aŭtamatyčna zakončvać nazvy fajłaŭ.

GVFS pracuje nastupnym čynam: uklučajecca adziny hałoŭny deman (gvfsd), jaki naziraje za zmantavańniami GVFS. Kožnaje zmantavańnie absłuhoŭvajecca asobnym demanam (niekatoryja zmantavańni ŭsio ž pracujuć z adnym demanam, ale takich vielmi mała). Klijenty kamunikujuć sa zmantavańniami, spałučajučy vykliki D-BUS (praz šynu sesii dy adnarangavy D-BUS) i asablivy pratakoł dla dostupu da źmiestu fajłaŭ. Adasableńnie srodkaŭ dostupu da roznych resursaŭ ad pracesaŭ źmianšaje ŭzrovień zaležnaściaŭ aplikacyjaŭ ad inšych modulaŭ dy robić systemu stabilniejšaj.

GVFS taksama padtrymlivaje punkt zmantavańnia FUSE ~/.gvfs/, praź jaki možna absłuhoŭvać dostup da zmantavańniaŭ GVFS dla zastarełych aplikacyj, jakija vykarystoŭvajuć standartnaje API uvodu/vyvadu POSIX.

U adroźnieńni ad GNOME-VFS, spałučeńni GVFS zachoŭvajuć stan. Heta značyć, što karystalnik nie pavinny bolš štoraz uvodzić svoj parol dla kožnaha paśpiachovaha spałučeńnia.

Pry pierachodzie da GVFS Nautilus ciapier samastojna absłuhoŭvaje aŭtamatyčnyja mantavańnie dy ŭklučeńnie prahramaŭ, a prahrama gnome-volume-manager stała niepatrebnaj.

Dakumentacyja dla GIO API dastupnaja ŭ siecivie razam z padručnikami pa pieranosie aplikacyjaŭ z uvodu/vyvadu POSIX i GNOME-VFS na systemu GIO.

Asiarodździe prahramavańnia Anjuta stała častkaj naboru prahramera dla GNOME. Anjuta intehrujecca z GNOME i prapanuje mnostva mahčymaściaŭ dla prahrameraŭ, napr. intehravanyja debuger, redaktar hrafičnych interfejsaŭ Glade dy interfejs dla prahramy Valgrind.

Vyjava 9 Śpis zadačaŭ dla Anjuty.