Eg kan ikkje skrive ut eit dokument

Moglege årsaker til at utskrift feila

Eit dokument vert kanskje ikkje skrive ut på grunn av:

  • Skrivarproblem eller,

  • PDF-utskriftsavgrensingar.

Skrivarproblem

Det kan vera mange grunnar til at skrivaren din ikkje fungerer. Til dømes kan han vera tom for papir eller blekk, eller fråkopla eller skada.

For å sjekke om skrivaren din skriv ut riktig:

  1. Opne Aktivitetar-oversynet og byrje å skrive Innstillingar.

  2. Klikk på Innstillingar.

  3. Trykk Skrivarar i sidefeltet.

  4. Trykk på innstillingar-knappen ved sidan av skrivaren.

  5. Vel Utskriftsinnstillingar.

  6. Klikk på Test Page. Ei side skal verte sendt til skrivaren din.

    Viss dette mislykkast, sjå utskriftshjelp. Du må kanskje også sjå bruksanvisninga til skrivaren din for å sjå kva anna du kan gjere.

PDF-utskriftavgrensingar

Somme PDF-dokument har ei innstilling som hindrar deg i å skrive dei ut. Forfattarar kan setje denne utskriftsavgrensinga når dei skriv eit dokument. Dokumentvisar overstyrer denne avgrensinga som standard, men du vil kanskje sjekke at ho ikkje er slått av:

Du må ha dconf Editor installert på datamaskina di for å endre denne innstillinga.

  1. Opne Aktivitetar-oversynet og byrje å skrive dconf Editor.

  2. Klikk på dconf-redigering.

  3. Gå til /org/gnome/papers.

  4. Sjå til at override-restrictions-valet er merkt.

  5. Gå tilbake til Dokumentvisar og prøv å skrive ut dokumentet på nytt.