Файлдар мен бумаларды шолу
Компьютеріңіздегі файлдарды шолу және ұйымдастыру үшін Файлдар файл менеджерін пайдаланыңыз. Сондай-ақ, оны сақтау құрылғыларындағы (сыртқы қатты дискілер сияқты), файл серверлеріндегі және желілік ортақ ресурстардағы файлдарды басқару үшін пайдалануға болады.
Файл менеджерін іске қосу үшін Іс-әрекеттер шолуында Файлдар қолданбасын ашыңыз. Сондай-ақ, файлдар мен бумаларды шолу арқылы бағдарламаларды іздеумен бірдей жолмен іздеуге болады.
Бумалардың мазмұнын зерттеу
Файл менеджерінде кез келген буманың мазмұнын көру үшін оны екі рет шертіңіз, ал кез келген файлды сол файл үшін әдепкі бағдарламамен ашу үшін оны екі рет немесе ортаңғы батырмамен шертіңіз. Буманы жаңа бетте ашу үшін оны ортаңғы батырмамен шертіңіз. Сондай-ақ, буманы жаңа бетте немесе жаңа терезеде ашу үшін оның үстінен оң жақ батырмамен шертуге болады.
Бумадағы файлдарды қарап жатқанда, файлды ашу, көшіру немесе өшіру алдында дұрыс файл екеніне көз жеткізу үшін бос орын пернесін басу арқылы әр файлды алдын ала жылдам көре аласыз.
Файлдар мен бумалар тізімінің үстіндегі жол жолағы сізге ағымдағы буманың ата-лық бумаларын қоса алғанда, қай буманы қарап жатқаныңызды көрсетеді. Сол бумаға өту үшін жол жолағындағы ата-лық буманы шертіңіз. Жол жолағындағы кез келген буманы жаңа бетте немесе терезеде ашу немесе оның қасиеттеріне қол жеткізу үшін оның үстінен оң жақ батырмамен шертіңіз.
Қарап жатқан бумаңыздан немесе оның ішіндегі бумалардан файлды жылдам іздегіңіз келсе, оның атын тере бастаңыз. Терезенің жоғарғы жағында іздеу жолағы пайда болады және тек іздеуіңізге сәйкес келетін файлдар көрсетіледі. Іздеуден бас тарту үшін Esc басыңыз.
Жиі қолданылатын орындарға бүйірлік панельден жылдам қол жеткізуге болады. Бүйірлік панельді көрмесеңіз, терезенің жоғарғы сол жақ бұрышындағы Бүйірлік панельді көрсету батырмасын басыңыз. Сіз жиі қолданатын бумаларға бетбелгілер қоса аласыз және олар бүйірлік панельде пайда болады.