Тышқанмен шолу
Orca-ның Тышқанмен шолу мүмкіндігі Orca-ға тышқан курсорының астындағы объектіні көрсетуге мәжбүр етеді. Orca-ның Жалпақ шолу мүмкіндігінен айырмашылығы, Тышқанмен шолу белсенді тереземен шектелмейді; оның орнына Orca тышқанды жылжытқанда курсордың астында қандай қолжетімді объект бар екенін анықтауға тырысады. Егер сіз курсорды көрсетілетін ақпараты бар қолжетімді объектінің үстіне апарсаңыз, Orca сол объектіні және оның ақпаратын сізге ұсынады.
Тышқанмен шолуды іске қосу Orca-ның тышқан курсорының позициясындағы барлық өзгерістерді тыңдауына және өңдеуіне мәжбүр ететіндіктен, бұл мүмкіндік әдепкі бойынша сөндірілген. Оны әрқашан іске қосу үшін Orca баптаулары сұхбат терезесінің Жалпы бетінде табылған Тышқан астындағы объектіні дыбыстау жалаушасын қойыңыз. Сонымен қатар, сол сұхбат терезесінің Пернелер тіркесімдері бетінде Тышқанмен шолу режимін ауыстыру атты тағайындалмаған команданы табасыз. Пернелер тіркесімдеріне кіріспе бөлімінде сипатталғандай осы команданы тағайындау арқылы қажет болған жағдайда Тышқанмен шолуды іске қосуға және сөндіруге болады.
Әдепкі баптаулар мен пернелер тіркесімдері бір-біріне тәуелсіз
Тышқанмен шолуды әрқашан іске қосуды немесе іске қоспауды таңдауға және оны Тышқанмен шолу режимін ауыстыру командасын тағайындау және пайдалану арқылы қосуға және сөндіруге болатынын ескеріңіз. Оны ауыстыру үшін оны іске қосу қажет емес, себебі баптаулар мен пернелер тіркесімдері бір-біріне тәуелсіз.