Файлды қоқыс шелегінен қалпына келтіру
Егер сіз файлды файлдар менеджері көмегімен өшірсеңіз, файл әдетте Қоқыс шелегіне салынады және оны қалпына келтіру мүмкін болуы керек.
Файлды қоқыс шелегінен қалпына келтіру үшін:
Іс-әрекеттер шолуын ашып, Файлдар деп тере бастаңыз.
Файлдар менеджерін ашу үшін Файлдар үстінен шертіңіз.
Бүйірлік панельдегі Қоқыс шелегін шертіңіз. Егер бүйірлік панельді көрмесеңіз, терезенің жоғарғы сол жақ бұрышындағы Бүйірлік панельді көрсету батырмасын басыңыз.
Егер өшірілген файлыңыз сонда болса, оны шертіп, Қоқыс шелегінен қалпына келтіру таңдаңыз. Ол өшірілген бумасына қайтарылады.
Егер сіз файлды Shift+Delete пернелерін басу арқылы немесе командалық жол арқылы өшірсеңіз, файл біржола өшірілген. Біржола өшірілген файлдарды Қоқыс шелегінен қалпына келтіру мүмкін емес.
Біржола өшірілген файлдарды кейде қалпына келтіре алатын бірқатар қалпына келтіру саймандары бар. Дегенмен, бұл саймандарды пайдалану әдетте оңай емес. Егер байқаусызда файлды біржола өшіріп алсаңыз, оны қалпына келтіре алатыныңызды білу үшін қолдау көрсету форумынан кеңес сұраған дұрыс болар.