Тышқан қимылдарын пайдалану

Тышқан қимылдары қолды пернетақтаға апармай-ақ веб-беттерді шолудың жылдам нұсқасын ұсынады. Бұл қимылдар келесі тышқан қозғалыстарының бірін орындау кезінде тышқанның ортаңғы батырмасын басып тұру арқылы іске қосылады. Егер тышқаныңызда ортаңғы батырма болмаса, тышқан қимылдарын пайдалана алмайсыз.

  1. Терезенің жоғарғы оң жақ бұрышындағы мәзір батырмасын басып, Баптаулар ▸ Жалпы таңдаңыз.

  2. Шолу астында Тышқан қимылдары қосқышын іске қосыңыз.

Келесі қимылдарға қазіргі уақытта қолдау көрсетіледі:

  • Тышқанның ортаңғы батырмасын басып тұрып, солға сүйреп, содан кейін ортаңғы батырманы жіберу артқа қайтуды орындайды.

  • Тышқанның ортаңғы батырмасын басып тұрып, оңға сүйреп, содан кейін ортаңғы батырманы жіберу алға өтуді орындайды.

  • Тышқанның ортаңғы батырмасын басып тұрып, төмен қарай сүйреп, содан кейін ортаңғы батырманы жіберу жаңа бетті жасайды.

  • Тышқанның ортаңғы батырмасын басып тұрып, төмен қарай, содан кейін оңға сүйреп, содан кейін ортаңғы батырманы жіберу ағымдағы бетті жабады.

  • Тышқанның ортаңғы батырмасын басып тұрып, алдымен жоғары, содан кейін төмен қарай сүйреп, содан кейін ортаңғы батырманы жіберу ағымдағы бетті қайта жүктейді.