Kva teknologi vert brukt av Boxes?

QEMU er ein maskinemulator og virtualisator. Som maskinemulator kan han køyre operativsystem og program laga for ei maskin (t.d. eit ARM-kort) på ei anna maskin (t.d. din eigen PC). Som virtualisator oppnår QEMU nær naturgjeven yting ved å køyre gjestekoden direkte på verten sin CPU ved hjelp av KVM.

KVM (Kernel-based Virtual Machine) er ein Linux-kjerne-modul som lèt eit brukarrom-program bruke maskinvare-virtualiseringsfunksjonane til ulike prosessorar.

libvirt er eit verktøysett for å manipulere (lage, slette og endre) og overvake virtuelle maskiner.

libvirt-glib pakkar inn libvirt for å gje eit høgnivå objektorientert API som passar for glib-baserte appar.

SPICE, det enkle protokoll for uavhengige datahandsamingsmiljø, er eit system for tilgang til og kontroll av fjerne skrivebord over eit nettverk.

SPICE-tenaren er eit bibliotek som køyrer inni QEMU-binærfila. Han har hovudansvar for autentisering av klienttilkoplingar, vidareformidling av grafisk utdata frå gjeste-OS-et til klienten og vidareformidling av brukarkommandoar (mus og tastatur) frå klient til gjest.

spice-gtk er SPICE-klienten som gjev eit vindauge inn i gjeste-OS-et.