Juster systemkrava til ein boks

I Boxes har kvar virtuelle maskin sine eigne innstillingar for RAM, CPU og maksimalt tildelt diskplass.

  1. Høgreklikk på boksen i samlingsoppsettet og vel Innstillingar, eller om boksen køyrer, klikk på menyknappen (innstillingar) i topplinja og vel Innstillingar.

  2. Klikk på Ressursar-fana.

  3. Juster verdiane for Minne, Prosessor og Lagringsgrense slik at dei speglar det ynskte oppsettet.

Du bør ikkje tildele alt tilgjengeleg minne, sidan vertssystemet ditt også treng minne for å køyre, og jo meir minne som vert tildelt, desto lengre tid tek det å setje maskina i kvilemodus og vekkje henne att. Det tilrådde minnet vil vere tilstrekkeleg sidan denne informasjonen kjem frå dokumentasjonen til operativsystema.