3D-akselerasjon

Boxes gjev deg no moglegheita til å slå på eller av 3D-akselerasjon for virtuelle maskiner viss både gjest og vert støttar det. Dette skal gjere at du kan forbetre ytinga til dei daglege grafikk-krevjande appane og spela dine. Det brukar Virgil til å lage eit virtuelt 3D-kapabelt grafikkort for dei virtuelle maskinene dine i QEMU.

For tida støttar berre Linux-gjestar 3D-akselerasjon.

For å slå på 3D-akselerasjon i ein boks:

  1. Høgreklikk på boksen i samlingsoversynet og vel Innstillingar, eller klikk menyknappen (innstillingar) i topplinja og vel Innstillingar.

  2. Vindauget Innstillingar vert opna, med Ressursar-fana vald som standard.

  3. Dersom 3D-akselerasjon er støtta, vil brytaren 3D-akselerasjon dukke opp her. Som standard er den slått av. For å slå på 3D-akselerasjon, berre vipp brytaren ved sidan av til PÅ.

Når du slår på 3D-akselerasjon for ein virtuell maskin som allereie køyrer, vert endringane gjeldande etter at du har starta tenaren på nytt.