Экран тым тез құлыпталады
Егер компьютерді бірнеше минутқа қалдырып кетсеңіз, оны қайтадан пайдалану үшін парольді енгізуіңіз қажет болатындай экран автоматты түрде құлыпталады. Бұл қауіпсіздік мақсатында жасалған (компьютерді қараусыз қалдырғанда ешкім жұмысыңызға кедергі жасай алмауы үшін), бірақ экран тым тез құлыпталса, бұл қолайсыз болуы мүмкін.
Экран автоматты түрде құлыпталғанға дейін ұзағырақ күту үшін:
Іс-әрекеттер шолуын ашып, Жекелік және қауіпсіздік деп тере бастаңыз.
Нәтижелерден Баптаулар ▸ Жекелік және қауіпсіздік таңдаңыз. Бұл Жекелік және қауіпсіздік панелін ашады.
Панельді ашу үшін Экранды құлыптау таңдаңыз.
Егер Экранды автоматты түрде құлыптау қосулы болса, Экранды автоматты түрде құлыптау кідірісі ашылмалы тізіміндегі мәнді өзгертуге болады.
Егер экранның автоматты түрде құлыпталуын мүлдем қаламасаңыз, Экранды автоматты түрде құлыптау ауыстырып-қосқышын сөндірулі күйіне қойыңыз.