Vise versjonskontrollerte filer

Meld integrerer med mange versjonskontrollsystem slik at du kan gjennomgå lokale endringar og utføre enkle versjonskontrolloppgåver. Du kan byrje ein ny versjonskontrollsamanlikning ved å bruke den nye samanlikningsknappen på verktøylinja, og klikke på Versjonskontroll-fana.

Versjonskontrollsamanlikningar

Versjonskontrollsamanlikningar viser skilnadane mellom innhaldet i mappa di og den gjeldande versjonen i lageret. Kvar fil i den lokale kopien din har ein tilstand som viser korleis han skil seg frå kopien i lageret.

Viss du vil sjå skilnadane til ei bestemt fil, kan du velje ho og trykkje Enter, eller dobbeltklikke på fila for å starte ei filsamanlikning. Du kan også samhandle med versjonskontrollsystemet ditt ved å bruke Endringar-menyen.

Tilstandar i versjonskontroll

Kvar fil eller mappe i ei versjonskontrollsamanlikning har ein tilstand, henta frå sjølve versjonskontrollsystemet. Meld kartlegg desse ulike tilstandane til eit standardsett av svært like konsept. Dermed kan Meld bruke litt andre namn for tilstandar enn det versjonskontrollsystemet ditt gjer. Dei moglege tilstandane er:

Tilstandar i versjonskontroll

Tilstand	Utsjånad	Tyding
Same	Normal skrift	Fil/mappa er den same som versjonen i lageret.
Endra	Raud og feit	Denne fila skil seg frå versjonen i lageret.
Ny	Grøn og feit	Denne fila/mappa er ny, og skal leggjast til i lageret.
Fjerna	Raud feit tekst med ei linje gjennom midten	Denne fila/mappa fanst, men er planlagd fjerna frå lageret.
Konflikt	Knallraud, feit tekst	Når du prøver å slå saman med lageret, kunne ikkje skilnadane mellom den lokale fila og lageret løysast, og fila er no i konflikt med innhaldet i lageret
Manglar	Blå feit tekst med ei linje gjennom midten	Denne fila/mappa burde vere til stades, men er det ikkje.
Ignorert	Grå tekst	Denne fila/mappa er eksplisitt ignorert (t.d. av ei oppføring i .gitignore) og vert ikkje følgd av versjonskontroll.
Uversjonert	Grå tekst	Denne fila er ikkje i versjonskontrollsystemet; ho er berre i den lokale kopien.
Feil	Knallraud med gul bakgrunn og feit skrift	Versjonskontrollsystemet har rapportert eit problem med denne fila.

Filtrering av versjonskontrolltilstand

Som oftast vil du berre sjå filer som er identifiserte som på eit vis annleis; dette er standardinnstillinga i Meld. Du kan endre kva filtilstandar du ser ved å bruke Versjonsfilter-knappen på verktøylinja og velje Flat ut mapper og dei andre alternativa Endra, Normal, Uversjonert og Ignorert.