Жылдам баптаулар

Wi-Fi-ды сөндіру немесе қайта қосу үшін Wi-Fi батырмасын басыңыз.

Батырма қазіргі уақытта қосылған Wi-Fi желісін көрсетеді.

Қолжетімді желілерді көрсету үшін басыңыз.

Байланыс орнату үшін желіні таңдаңыз немесе Wi-Fi баптаулар панелін ашу үшін Барлық желілер таңдаңыз.

Сымды желіні сөндіру немесе қайта қосу үшін Сымды батырмасын басыңыз. Батырма ағымдағы сымды желі байланысы туралы ақпаратты көрсетеді. Қосымша баптауларды көрсету үшін басыңыз. Желі баптаулары панелін ашу үшін Сымды желі баптаулары таңдаңыз.

Bluetooth-ды сөндіру немесе қайта қосу үшін Bluetooth батырмасын басыңыз. Батырма бірінші құрылғының атын немесе қосылған құрылғылар санын көрсетеді. Жұптастырылған және қосылған Bluetooth құрылғыларын көрсету үшін басыңыз. Қосылу немесе ажырату үшін біреуін таңдаңыз. Bluetooth баптаулары панелін ашу үшін Bluetooth баптаулары таңдаңыз.

Қуат режимі батырмасы ағымдағы қуат режимі баптауын көрсетеді. Қуатты үнемдеу режиміне ауысу немесе ағымдағы баптауға қайту үшін батырманы басыңыз. Барлық режимдерден таңдау үшін басыңыз. Қуат баптаулары панелін ашу үшін Қуат баптаулары таңдаңыз.

Басқа батырмалар Түнгі жарық, Қараңғы стиль, Ұшақ режимі немесе қолжетімді болса, Пернетақта жарығының ағымдағы күйін көрсетеді. Қосу немесе сөндіру үшін батырманы басыңыз.

Жүйеде жұмыс істеп тұрған фондық қолданбалар саны жүйелік мәзірдің төменгі жағында көрсетіледі. Бұл қолданбалар тізімін көрсету үшін шертіңіз. Тізімнен қолданбаны таңдау сол қолданба үшін терезе ашады және оны Фондық қолданбалар тізімінен алып тастайды. Қолданбалар баптаулары панелін ашу үшін Қолданба баптаулары таңдаңыз.