Slå på hefta tastar

Seige tastar gjer at du kan skrive tastatursnarvegar éi og éi tast i staden for å halde inne alle tastane samtidig. Til dømes skiftar Super+Tab-snarvegen mellom vindauge. Utan seige tastar påslått måtte du ha halde inne begge tastane samtidig; med seige tastar påslått trykkjer du Super og så Tab for å gjere det same.

Du vil kanskje slå på festetastar om du synest det er vanskeleg å halde fleire tastar nede samtidig.

  1. Opne Aktivitetar-oversynet og byrje å skrive Tilgjenge.

  2. Klikk Tilgjenge for å opne vindauget.

  3. Vel Skriving-delen for å opne han.

  4. I Skrivehjelp-seksjonen, slå Seige tastar-brytaren på.

Slå raskt på og av festetastatur

Slå på Slå på med tastatur-brytaren for å slå på og av hefte-tastar frå tastaturet. Når dette alternativet er valt, kan du trykkje Shift fem gongar på rad for å slå på eller av hefte-tastar.

Du kan òg slå på og av seige tastar ved å klikke på tilgjenge-ikonet i topplinja og velje Seige tastar. Tilgjenge-ikonet er synleg når ein eller fleire innstillingar er aktivert frå Tilgjenge.

Viss du trykkjer to tastar samtidig, kan du la tastelåsing slå seg av mellombels slik at du kan taste ein tastatursnarveg på vanleg måte.

Døme: Om du har aktivert festetastar, men trykkjer Super og Tab samtidig, vil ikkje festetastane vente på at du skal trykkje ein annan tast om du har dette valet påslått. Men dei vil vente om du berre trykkjer éin tast. Dette er nyttig om du kan trykkje nokre tastatursnarvegar samtidig (til dømes tastar som ligg tett saman), men ikkje andre.

Vel Slå av dersom to tastar vert trykte ned samstundes for å slå på dette.

Når du byrjar å skrive ein tastatursnarveg med seige tastar på, kan du få datamaskina til å lage ein «pip»-lyd. Dette er nyttig om du vil vite at seige tastar ventar på at ein tastatursnarveg skal skrivast, slik at neste tastetrykk vert tolka som ein del av ein snarveg. Vel Pip når ein modifikasjonstast vert trykt for å slå på dette.