Handsame data

Forskyv alle dei valde dataa med ein fast verdi langs X- eller Y-aksen. Skriv inn forskyvinga i det tilhøyrande feltet og bruk operasjonen.

Multipliserer alle dei valde dataa med ein fast faktor langs X- eller Y-aksen. Skriv inn faktoren i det tilhøyrande feltet og bruk operasjonen.

Skalerer Y-verdiane til alle dei valde dataa slik at maksimumsverdien vert 1. Alle dei andre verdiane vert delte på denne maksimumsverdien.

Forskyv data langs X-aksen slik at dei vert sentrerte. Det finst to modusar: sentrering på største Y-verdi, som flyttar toppen i dataa til null, og sentrering på midten av X-området. Modusen kan setjast i innstillingane for utglatting.

Utglatting reduserer støy i eit datasett. Det finst to modusar, som kan setjast i vindauget med innstillingar for utglatting.

Savitzky-Golay-filteret tilpassar eit polynom gjennom dei nærliggjande datapunkta i staden for å ta eit enkelt gjennomsnitt. Slik kan det underliggjande signalet i data med mykje støy attskapast meir truverdig, og dette er det tilrådde valet i dei fleste tilfelle.

Glidande gjennomsnitt byter ut kvart punkt med gjennomsnittet av eit vindauge med punkt rundt det. Dette er enklare, men kan viske ut skarpe trekk og få endringar i dataa til å sjå forskovne ut.

Reknar ut den numeriske deriverte av dei valde dataa og byter ut Y-verdiane med endringsraten med omsyn på X. For likningar vert den deriverte rekna ut analytisk.

Reknar ut det kumulative integralet av dei valde dataa med trapesmetoden og byter ut Y-verdiane med det løpande arealet under kurva. For likningar vert integralet rekna ut analytisk.

Transformerer dei valde dataa frå tids- eller romdomenet til frekvensdomenet med rask Fourier-transformasjon (FFT). Det finst òg ein invers transformasjon for å gå tilbake.

Slår saman alle dei valde datasetta til eitt nytt datasett. Resultatet vert sortert etter X-verdi. Har alle dei valde elementa feilstolpar, vert dei tekne med i det samanslåtte resultatet.

Forskyv kvart valt datasett automatisk langs Y-aksen slik at elementa vert spreidde og ikkje overlappar kvarandre. Kor mykje dei vert forskovne, vert rekna ut frå spennet i kvart datasett og tek omsyn til den gjeldande akseskalaen, også logaritmiske skalaer.

Fjernar alle datapunkt innanfor det valde området. Operasjonen krev at utvalsverktøyet er aktivt og at eit område er markert på lerretet.

Med eigne transformasjonar kan du endre X- og Y-koordinatane i eit datasett punkt for punkt med likningar du vel sjølv. Til dømes kan du kvadrere alle Y-verdiane ved å skrive Y = Y² i Y-feltet og la X = X stå i X-feltet. Det er ikkje skilnad på store og små bokstavar i koordinatnamna.

Desse ekstra variablane kan brukast i eigne transformasjonar:

Generelt:

x, y: opphavlege koordinatverdiar

counts: det totale talet på datapunkt

X-akse:

x_min, x_max: minimum og maksimum

x_mean, x_median: gjennomsnitt og median

x_std, x_sum: standardavvik og sum

Y-akse:

y_min, y_max: minimum og maksimum

y_mean, y_median: gjennomsnitt og median

y_std, y_sum: standardavvik og sum

Trigonometriske funksjonar brukar radianar som standard. Legg til d for å bruke grader, t.d. sind(x) eller cosd(x).