Сымсыз желі ақауларын жою құралы

Желілік жабдық туралы ақпаратты жинау

Бұл қадамда сіз сымсыз желі құрылғысы туралы ақпаратты жинайсыз. Көптеген сымсыз байланыс мәселелерін шешу жолы сымсыз адаптердің өндірушісі мен модель нөміріне байланысты, сондықтан бұл мәліметтерді жазып алуыңыз керек. Сондай-ақ, компьютеріңізібен бірге келген құрылғы драйверін орнату дискілері сияқты кейбір заттардың болуы да пайдалы болуы мүмкін. Егер олар әлі де болса, келесі заттарды іздеңіз:

  • Сымсыз құрылғыларыңыздың қаптамасы мен нұсқаулықтары (әсіресе роутерге арналған пайдаланушы нұсқаулығы)

  • Сымсыз адаптеріңізге арналған драйверлері бар диск (тіпті онда тек Windows драйверлері болса да)

  • Компьютеріңіздің, сымсыз адаптеріңіздің және роутеріңіздің өндірушілері мен модель нөмірлері. Бұл ақпаратты әдетте құрылғының төменгі немесе артқы жағынан табуға болады.

  • Сымсыз желі құрылғыларында немесе олардың қаптамасында басылған кез келген нұсқа немесе ревизия нөмірлері. Бұл өте пайдалы болуы мүмкін, сондықтан мұқият қараңыз.

  • Драйвер дискісіндегі құрылғының өзін, оның «микробағдарлама» нұсқасын немесе ол пайдаланатын компоненттерді (чипсетті) анықтайтын кез келген нәрсе.

Мүмкіндік болса, қажет болған жағдайда бағдарламалық қамтаны және драйверлерді жүктеп алу үшін баламалы жұмыс істейтін интернет байланысына қол жеткізуге тырысыңыз. (Компьютерді Ethernet желілік кабелімен тікелей роутерге қосу — мұны қамтамасыз етудің бір жолы, бірақ оны тек қажет болғанда ғана қосыңыз.)

Осы заттардың мүмкіндігінше көбін жинағаннан кейін Келесі батырмасын шертіңіз.