Ulike diagramvisingar

Som standard viser skanneresultata kvar undermappe som ein del av ein ring, som omfattar ein vinkel proporsjonal med storleiken til den aktuelle mappa. Undermapper vert viste i ulike fargar, som ekstra lag rundt den indre ringen.

Når du fører musepeikaren over ringdiagrammet, vert fleire detaljar om mappa og undermappene viste.

Visinga av diagrammet kan endrast til Treemap-diagram ved hjelp av knappane nedst til høgre i diagrammet. Treoppsettet viser mappene som boksar med proporsjonal storleik.

Du kan også klikke på ein ring eller boks for å gjere det til startpunktet for diagrammet.