Sorter filer og mapper

Du kan sortere filer på ulike måtar i ei mappe, til dømes ved å sortere dei i rekkjefølgje etter dato eller filstorleik. Sjå Måtar å sortere filer på nedanfor for ei liste over vanlege måtar å sortere filer på. Sjå Viser innstillingar i Filer for informasjon om korleis du endrar standard sorteringsrekkjefølgje.

Måten du kan sortere filer på, avheng av mappevisinga du brukar. Du kan endre den noverande visinga ved å bruke list/rutenett-knappen i verktøylinja.

Rutenettvising

For å sortere filer i ei anna rekkjefølgje, klikk på visingsknappen i verktøylinja og vel A–Å, Å–A, Sist endra, Først endra, Storleik, eller Type.

Som eit døme, om du vel A–Å, vert filene sorterte etter namna sine, i alfabetisk rekkjefølgje. Sjå Måtar å sortere filer på for andre val.

Listevising

For å sortere filer i ei anna rekkjefølgje, klikk på eit av kolonnehovuda i filhandsamaren. Klikk til dømes på Type for å sortere etter filtype. Klikk på kolonnehovudet på nytt for å sortere i motsett rekkjefølgje.

For fleire sorteringsval, klikk på knappen for visingsval i verktøylinja.

I listevising kan du vise kolonnar med fleire eigenskapar og sortere på desse kolonnane. Klikk på knappen for visingsval i verktøylinja, vel Synlege kolonner … og vel dei kolonnane du vil at skal vere synlege. Då vil du kunne sortere etter desse kolonnane. Sjå Kolonnepreferansar for filoverflate for skildringar av tilgjengelege kolonnar.

Måtar å sortere filer på

A-Å: Sorterer alfabetisk etter filnamn.
Z-A: Sorterer alfabetisk etter filnamn i omvendt rekkjefølgje.
Sist endra: Sorterer etter dato og klokkeslett for siste endring av ei fil. Sorterer frå nyaste til eldste.
Først endra: Sorterer etter dato og klokkeslett for når ei fil vart endra for fyrste gong. Sorterer frå eldste til nyaste.
Storleik: Sorterer etter filstorleik (kor mykje diskplass den tek). Sorterer frå minst til størst som standard.
Skriv inn: Sorterer alfabetisk etter filtype. Filer av same type vert grupperte, og deretter sortert etter namn.