Tenester og appar på nett
Når du har lagt til ein nettkonto, kan alle appar bruke den kontoen til alle tilgjengelege tenester som du ikkje har deaktivert. Ulike tenesteytarar tilbyr ulike tenester. Denne sida listar opp dei ulike tenestene og nokre av appane som er kjende for å bruke dei.
- Kalender
Tenesta Kalender gjer at du kan sjå, leggje til og redigere hendingar i ein nettbasert kalender. Ho vert brukt av appar som Kalender, Evolution og California.
- Prat
Tenesta Chat gjer at du kan chatte med kontaktane dine på populære meldingsplattformer. Ho vert nytta av Empathy-appen.
- Kontaktar
Tenesta Kontaktar gjer at du kan sjå dei publiserte opplysningane om kontaktane dine på ulike tenester. Ho vert brukt av appar som Kontaktar og Evolution.
- Filer
Tenesta Filer legg til ein fjern filplassering, som om du hadde lagt til ein ved hjelp av Kople til tenar-funksjonen i filhandsamaren. Du kan få tilgang til fjernfiler ved hjelp av filhandsamaren, og gjennom vindauge for å opne og lagre filer i alle appar.
- E-post
Tenesta Mail lèt deg sende og ta imot e-post gjennom ein e-posttenar som Google. Ho vert brukt av Evolution.
- Bilete
Tenesta Bilete lèt deg sjå bileta dine på nett, slik som dei du legg ut på Facebook. Du kan sjå bileta dine ved å bruke Bilete-appen.
- Skrivarar
Tenesta for skrivarar gjer at du kan sende ein PDF-kopi til ein leverandør frå utskriftsvindauget i kva app som helst. Leverandøren kan tilby utskriftstenester, eller han kan berre fungere som lagring for PDF-en, som du seinare kan laste ned og skrive ut.