Lås bestemte innstillingar

Med låsemodus i dconf kan du hindre brukarar i å endre bestemte innstillingar. Om systeminnstillingane ikkje er låste, går brukarinnstillingane føre systeminnstillingane.

For å låse ein dconf-nøkkel eller -understi må du lage undermappa locks i nøkkelfilmappa. Filene i denne mappa inneheld ei liste over nøklar eller understiar som skal låsast. På same måte som med nøkkelfilene kan du leggje til kor mange filer du vil i denne mappa.

Lås ei innstilling

  1. Før du kan låse ein nøkkel eller understi, må du setje han. Dette dømet viser korleis du låser ei bakgrunnsinnstilling når ho er sett.

    No bør du ha ein user-profil og ei nøkkelfil med innstillingane du vil låse.

  2. Opprett ei mappe med namnet /etc/dconf/db/local.d/locks.

  3. Opprett ei fil i /etc/dconf/db/local.d/locks/-mappa og før opp éin nøkkel eller understi per linje. Opprett til dømes /etc/dconf/db/local.d/locks/00_default-wallpaper:

    # hindre endringar i bakgrunnen
/org/gnome/desktop/background/picture-uri
/org/gnome/desktop/background/picture-options
/org/gnome/desktop/background/primary-color
/org/gnome/desktop/background/secondary-color

  4. Oppdater systemdatabasane:

    # dconf update