Bruk ulike høgtalarar eller hovudtelefonar

Du kan bruke eksterne høgtalarar eller hovudtelefonar med datamaskina di. Høgtalarar vert vanlegvis kopla til med ein sirkulær TRS (spiss, ring, hylster) kontakt eller USB.

Viss høgtalarane eller hovudtelefonane dine har ein TRS-plugg, set du han inn i den rette kontakten på datamaskina. Dei fleste datamaskinar har to kontaktar: ein for mikrofonar og ein for høgtalarar. Denne kontakten er vanlegvis lysegrøn eller har eit bilete av hovudtelefonar ved sida av seg. Høgtalarar eller hovudtelefonar som er kopla til ein TRS-kontakt, vert som regel brukte som standard. Viss ikkje, sjå instruksjonane nedanfor for å velje standardeining.

Somme datamaskinar støttar fleirkanals utgang for surroundlyd. Dette brukar som regel fleire TRS-stikk, som ofte er fargekoda. Om du er usikker på kva støpsel som skal i kva kontaktar, kan du teste lydutgangen i lydinnstillingane.

Viss du har USB-høgtalarar eller hovudtelefonar, eller analoge hovudtelefonar kopla til eit USB-lydkort, koplar du dei til ein USB-port. USB-høgtalarar fungerer som separate lydinnretningar, og du må kanskje oppgi kva høgtalarar du vil bruke som standard.

Vel ein standard lydutgangseining

  1. Opne Aktivitetar-oversynet og byrje å skrive Lyd.

  2. Klikk på Lyd for å opne panelet.

  3. I Utlyd-delen vel du eininga du vil bruke.

Bruk Test-knappen for å sjekke at alle høgtalarar fungerer og er tilkopla riktig kontakt.