Skriv ut ei hefte på ein einsidig skrivar

Desse instruksjonane er for å skrive ut ei hefte frå eit PDF-dokument.

Viss du vil skrive ut ei hefte frå eit LibreOffice-dokument, må du først eksportere det til PDF ved å velje Fil ▸ Eksporter som PDF…. Dokumentet ditt må ha eit tal sider som er deleleg med 4 (4, 8, 12, 16,…). Du må kanskje leggje til opptil 3 blanke sider.

For å skrive ut:

  1. Opne utskriftsvindauget. Dette kan vanlegvis gjerast via Skriv ut i menyen eller ved å bruke tastatursnarvegen Ctrl+P.

  2. Trykk på Eigenskapar… knappen

    I Retning-nedtrekkslista må du sørgje for at Liggjande er vald.

    Klikk OK for å gå attende til utskriftsvindauget.

  3. Under Omfang og kopiar, vel Sider.

    Skriv inn sidetala i denne rekkjefølgja (n er det totale talet på sider, og eit multiplum av 4):

    n, 1, 2, n-1, n-2, 3, 4, n-3, n-4, 5, 6, n-5, n-6, 7, 8, n-7, n-8, 9, 10, n-9, n-10, 11, 12, n-11 …

    …til du har skrive alle sidene.

    Døme:

    4-siders hefte: Skriv 4,1,2,3

    8-siders hefte: Type 8,1,2,7,6,3,4,5

    12-siders hefte: Skriv 12,1,2,11,10,3,4,9,8,5,6,7

    16-siders hefte: Skriv 16,1,2,15,14,3,4,13,12,5,6,11,10,7,8,9

    20-siders hefte: Skriv 20,1,2,19,18,3,4,17,16,5,6,15,14,7,8,13,12,9,10,11

  4. Vel Sideoppsett-fana.

    Under Utforming, vel Brochure.

    Under Sider på sida, i rullegardinmenyen Ta med, vel Framside / høgresider.

  5. Klikk Skriv ut.

  6. Når alle sidene er skrivne ut, snur du sidene og legg dei tilbake i skrivaren.

  7. Opne utskriftsvindauget. Dette kan vanlegvis gjerast via Skriv ut i menyen eller ved å bruke tastatursnarvegen Ctrl+P.

  8. Vel Sideoppsett-fana.

    Under Sider på sida, i rullegardinlista Ta med, vel Baksider / venstre sider.

  9. Klikk Skriv ut.