Inprimatu liburuxka alde bakarreko inprimagailu batean

Argibide hauek liburuxka bat PDF dokumentu batetik abiatuta inprimatzeko dira.

Liburuxka LibreOffice dokumentu batetik inprimatu nahi baduzu, esportatu hura PDF formatura Fitxategia ▸ Esportatu PDF gisa… erabiliz. Dokumentuak 4ren anizkoitza den orrialde kopurua (4, 8, 12, 16…) eduki behar du. Orrialde zuriak gehitu beharko dituzu bestela.

Inprimatzeko:

  1. Ireki inprimatzeko elkarrizketa-koadroa. Hori normalean menuko Inprimatu aukeraren bidez edo Ctrl+P lasterbidea erabiliz egiten da.

  2. Egin klik Propietateak… botoian.

    Orientazioa zerrendan, ziurtatu Horizontala dagoela hautatuta.

    Egin klik Adoz aukeran inprimatzeko elkarrizketa-koadroan atzera egiteko.

  3. Barrutia eta kopiak atalean, aukeratu Orrialdeak.

    Idatzi orrialde kopurua honako ordenan (n orrialde kopuru osoa da, 4ren anizkoitza):

    n, 1, 2, n-1, n-2, 3, 4, n-3, n-4, 5, 6, n-5, n-6, 7, 8, n-7, n-8, 9, 10, n-9, n-10, 11, 12, n-11…

    ...orrialde guztiak idatzi arte.

    Adibideak:

    4 orrialdeko liburuxka: Idatzi 4,1,2,3

    8 orrialdeko liburuxka: Idatzi 8,1,2,7,6,3, 4, 5

    12 orrialdeko liburuxka: Idatzi 12,1,2,11,10,3,4,9,8,5,6,7

    16 orrialdeko liburuxka: Idatzi 16,1,2,15,14,3,4,13,12,5,6,11,10,7,8,9

    20 orrialdeko liburuxka: Idatzi 20,1,2,19,18,3,4,17,16,5,6,15,14,7,8,13,12,9,10,11

  4. Hautatu Orrialde-diseinua fitxa.

    Diseinua atalean, aukeratu Liburuxka.

    Orrialdeak atalean, Sartu goitibeherako zerrendan, hautatu Aurrealdeak / eskuineko orrialdeak.

  5. Egin klik Inprimatu aukeran.

  6. Orri guztiak inprimatu ondoren, irauli orriak eta kokatu berriro inprimagailuan.

  7. Ireki inprimatzeko elkarrizketa-koadroa. Hori normalean menuko Inprimatu aukeraren bidez edo Ctrl+P lasterbidea erabiliz egiten da.

  8. Hautatu Orrialde-diseinua fitxa.

    Orrialdeak atalean, Sartu goitibeherako zerrendan, hautatu Atzealdeak / ezkerreko orrialdeak.

  9. Egin klik Inprimatu aukeran.