Бұл нұсқаулық туралы
Бұл нұсқаулық жұмыс үстелінің мүмкіндіктерімен таныстыруға, компьютерге қатысты сұрақтарыңызға жауап беруге және компьютерді тиімдірек пайдалану бойынша кеңестер беруге арналған. Міне, көмекші нұсқаулыққа қатысты бірнеше ескертпе:
Нұсқаулық тарауларға емес, шағын, тапсырмаға бағытталған тақырыптарға бөлінген. Бұл сұрақтарыңызға жауап табу үшін бүкіл нұсқаулықты қарап шығудың қажеті жоқ дегенді білдіреді.
Байланысты элементтер бір-біріне сілтеме жасайды. Кейбір беттердің төменгі жағындағы «Сондай-ақ қараңыз» сілтемелері сізді қатысты тақырыптарға бағыттайды. Бұл белгілі бір тапсырманы орындауға көмектесетін ұқсас тақырыптарды табуды жеңілдетеді.
Онда кірістірілген іздеу мүмкіндігі бар. Көмекші браузердің жоғарғы жағындағы жолақ — іздеу жолағы, тере бастағанда-ақ тиісті нәтижелер пайда бола бастайды.
Нұсқаулық үнемі жетілдіріліп отырады. Біз сізге пайдалы ақпараттың толық жиынтығын беруге тырысқанымызбен, мұнда барлық сұрақтарыңызға жауап бере алмайтынымызды білеміз. Егер сізге көбірек көмек қажет болса, дистрибутивіңіздің қолдау көрсету тобына хабарласа аласыз.