Endre lydvolumet

For å endre lydstyrken, opnar du systemmenyen frå høgresida av topplinja og flyttar styrkeskuffa til venstre eller høgre. Du kan slå av lyden heilt ved å dra skuffa til venstre.

Om du held peikaren over volumikonet i topplinja eller glidebrytaren i systemmenyen, kan du styre volumet ved å rulle på musehjulet eller peikeplata.

Somme tastatur har tastar som lèt deg styre lydstyrken. Dei ser som regel ut som stiliserte høgtalarar med bølgjer som kjem ut av dei. Dei er ofte i nærleiken av «F»-tastane øvst. På berbare tastatur er dei som regel på «F»-tastane. Hald inne Fn-tasten på tastaturet ditt for å bruke dei.

Dersom du har eksterne høgtalarar, kan du òg endre lydstyrken ved å bruke høgtalarane sin lydstyrkekontroll. Enkelte hovudtelefonar har òg lydstyrkekontroll.

Endrar lydnivået for kvar enkelt app

Du kan endre lydstyrken for éin app og la lydstyrken for andre uendra. Dette er nyttig viss du til dømes lyttar til musikk og surfar på nettet. Du vil kanskje slå av lyden i nettlesaren slik at lyd frå nettsider ikkje forstyrrar musikken.

Somme appar har volumkontrollar i hovudvindauga sine. Om appen din har volumkontroll, brukar du den til å endre volumet. Om ikkje:

  1. Opne Aktivitetar-oversynet og byrje å skrive Lyd.

  2. Klikk Lyd for å opne vindauget.

  3. I Lydar-delen, klikk på Volumnivå.

  4. Bruk volumglidebrytaren for kvar app for å stille volumet. Klikk på høgtalarikonet ved sidan av glidebrytaren for å dempe eller dempe appen.

    Berre appar som spelar lyd vert lista opp. Dersom ein app spelar lyd, men ikkje er lista opp, kan det vere at han ikkje støttar funksjonen som lèt deg styre volumet på denne måten. I eit slikt tilfelle kan du ikkje endre volumet.