Legg til ein ekstra skrifttype for alle brukarar

Du kan installere ein ekstra skrifttype som vert tilgjengeleg for brukarane i appar som brukar fontconfig til skrifthandtering.

Installer ein ekstra skrifttype

  1. Kopier skrifttypen til mappa /usr/local/share/fonts/ for å installere han.

  2. Det kan hende du må køyre denne kommandoen for å oppdatere skriftmellomlageret:

    $ fc-cache /usr/local/share/fonts/

Det kan hende du må starte køyrande appar på nytt for å sjå endringane. Brukarøktene treng ikkje startast på nytt.

Du kan òg installere skrifttypar i ei anna systemmappe enn /usr/local/share/fonts/ dersom mappa står i fila /etc/fonts/fonts.conf. Gjer ho ikkje det, må du lage ei eiga oppsettfil for heile maskina i /etc/fonts/local.conf med mappa du vil bruke. Sjå man-sida fonts-conf(5) for meir informasjon.

Viss du brukar ei anna mappe, hugs å oppgje namnet på mappa når du oppdaterer skriftmellomlageret med kommandoen fc-cache:

$ fc-cache mappenamn