Varsel og varsellista

Viss ein app eller ein systemkomponent vil få merksemda di, vert det vist eit varsel øvst på skjermen, eller på låseskjermen din.

Døme: Viss du får ei ny melding i chatten eller ein ny e-post, får du eit varsel. Chatvarsel vert handsama på eige vis, og vert representert av dei enkelte kontaktane som har sendt deg chatmeldingane.

Andre varslingar har valbare knappar. For å lukke ei slik varsling utan å velje eit av alternativa, klikkar du på lukk-knappen.

Å klikke på lukkeknappen på nokre varsel fjernar dei. Andre, som Rhythmbox eller chat-appen din, vil halde fram med å vere skjulte i varslingslista.

Varslingslista gjev deg ein måte å kome tilbake til varslingane dine når det passar deg. Ho kjem fram når du klikkar på klokka, eller trykkjer Super+V. Varslingslista inneheld alle varslingar du ikkje har teke stilling til, eller som permanent ligg der.

Du kan sjå eit varsel ved å klikke på det i lista. Du kan lukke varslingslista ved å trykkje Super+V att eller Esc.

Trykk på knappen Tøm liste for å tømme lista over varslingar.

Om du arbeider med noko og ikkje vil verte forstyrra, kan du slå av varslingar.

Du kan skjule alle varslingar ved å opne varslingslista og slå på Ikkje forstyrr nedst. Eller:

Når Ikkje forstyrr er slått på, vil berre svært viktige varsel, som når batteriet er kritisk lågt, dukke opp øvst på skjermen. Alle varsel vil framleis vere tilgjengelege i varslingslista når du viser den (ved å klikke på klokka, eller ved å trykkje Super+V), og dei vil byrje å dukke opp att når du slår Ikkje forstyrr av.

Du kan også slå av eller slå på varslingar for kvar enkelt app frå Varslingar-vindauget.

Når skjermen din er låst, dukkar varsel opp på låseskjermen. Du kan konfigurere låseskjermen til å skjule desse varsla av omsyn til personvern.