Ez dut nire haririk gabeko sarea ikusten zerrendan
Hainbat arrazoi daude haririk gabeko sarea sistema-menuaren sare erabilgarrien zerrendan ez ikusteko.
Zerrendan ez bada sarerik agertzen, zure haririk gabeko hardware desaktibatuta dagoelako izan daiteke, edo agian ez dabil ondo. Ziurtatu hardwarea piztuta dagoela.
Saretik urrutiegi egon zaitezke. Saiatu sarera hurbiltzen eta begiratu ea zerrendan agertzen den.
Denbora behar da haririk gabeko sareen zerrenda eguneratzeko. Ordenagailua piztu berri baduzu edo beste kokaleku batera eraman baduzu, itxaron minutu bat eta egiaztatu berriro sarea zerrendan agertu den ala ez.
Sarea ezkutukoa izan daiteke. Beste modu batean konektatu beharko duzu ezkutuko sare bat bada.