Kvifor vert det trådlause nettverket mitt fråkopla?

Ein vanleg grunn til å verte fråkopla eit trådlaust nettverk er at du har svakt signal. Trådlause nettverk har eit avgrensa rekkjevidd, så om du er for langt unna basestasjonen kan du kanskje ikkje få eit sterkt nok signal til å halde på tilkoplinga. Veggar og andre objekt mellom deg og basestasjonen kan også svekkje signalet.

Nettverksikonet øvst i menyfeltet viser kor sterkt trådlaust signal du har. Dersom signalet ser svakt ut, prøv å flytte deg nærare trådlaus basestasjon.

Av og til, når du koplar deg til eit trådlaust nettverk, kan det sjå ut til at du vart kopla til med hell fyrst, men så vert du kopla frå kort tid etterpå. Dette skjer vanlegvis fordi datamaskina di berre vart delvis vellukka med å kople seg til nettverket — ho klarte å opprette ei tilkopling, men var ikkje i stand til å fullføre tilkoplinga av noko grunn og vart dermed kopla frå.

Ein mogleg grunn til dette er at du skreiv feil trådlaus passord, eller at datamaskina di ikkje fekk tilgang til nettverket (fordi nettverket krev eit brukarnamn for å logge inn, til dømes).

Noko trådlaust nettverkstillegg kan vere litt upåliteleg. Trådlause nettverk er kompliserte, så trådlause kort og basestasjonar støyter av og til på mindre problem og kan miste tilkoplingar. Dette er irriterande, men det skjer ganske ofte med mange einingar. Om du frå tid til anna vert fråkopla trådlause tilkoplingar, kan dette vere den einaste grunnen. Om det skjer svært ofte, vil du kanskje vurdere å skaffe eit anna nettverkstillegg.

Trådlause nettverk på travle stader (til dømes på universitet og kaféar) har ofte mange datamaskinar som prøver å kople seg til samtidig. Av og til vert desse nettverka for travle og kan ikkje handsame alle datamaskinene som prøver å kople seg til, slik at nokre vert fråkopla.