Porque a miña rede sen fíos permanece desconectada?

Unha razón común por que se produce unha desconexión dunha rede local é pola baixa sinal. As redes sen fíos teñen un rango limitado, polo que se está moi afastado da estación de rede base podería non poder obter un sinal suficientemente forte para manter unha conexión. As paredes e outro obxectos que estean entre vostede e a estación base tamén poden debilitar o seu sinal.

A icona de rede na barra superior mostra a cantidade de sinal sen fíos. Se o sinal vese moi baixo, trate de acercarse á estación base sen fíos.

Ás veces, cando se conecta a unha rede sen fíos, pode parecer que nun principio conectaches con éxito, pero logo estará desconectado ao pouco tempo. Isto normalmente sucede porque o seu ordenador só tivo éxito parcialmente ao conectarse á rede, conseguiu establecer unha conexión, pero non foi capaz de finalizar a conexión por algún motivo e desconectouse.

Unha posíbel razón para isto é que escribiu un contrasinal de forma incorrecta, ou que o computador non ten permiso para acceder á rede (xa que a rede require un nome de usuario para iniciar sesión, por exemplo).

Algún hardware de rede sen fíos pode ser pouco fiábel. As redes sen fíos son complicadas, polo que as tarxetas de rede e estacións base normalmente teñen algún pequeno problema e poden perder conexións. Isto é molesto, pero acontece bastante regularmente con algúns dispositivos. Se vostede é desconectado das redes sen fíos moi a miúdo, esta podería ser a única razón. Se lle acontece moi a miúdo, considere conseguir un hardware distinto.

As redes sen fíos en lugares concorridos (en universidades ou cafeterías, por exemplo) a miúdo teñen hai varios computadores que tentan conectarse a elas a primeira vez. A veces estas redes están demasiado saturadas o que fai que non poidan xestionar todos os computadores que tentan conectarse, polo que desconecta algún deles.