Estabelecer a configuración da rede manualmente

Se a súa rede non asigna a configuración de rede automaticamente ao seu computador, debe configurala manualmente inserindo as configuracións vostede mesmo. Este punto asume que vostede sabe as configuracións correctas para poder usalas. Se non é así, pregúntelle ao administrador de rede ou busque polas configuracións no seu «router» ou «switch» de rede.

Para estabelecer a configuración de rede manualmente:

  1. Abra a vista de Actividades e comece a escribir Preferencias.

  2. Prema en Preferencias.

  3. Se está conectado á rede co cable, prema Rede. En caso contrario prema Wifi.

    Asegúrese de que a súa tarxeta sen fíos está acendida ou que o cable de rede está conectado.

  4. Prema no botón preferencias.

    Para a conexión Wifi, o botón preferencias estará ao carón da rede activa.

  5. Seleccoine a lapela IPv4 ou IPv6 e cambie o Método a Manual.

  6. Escriba o Enderezo IP e a Pasarela, así como a Máscara de rede adecuada.

  7. Na sección DNS, desactive o interruptor Automático. Introduza o enderezo IP do servidor DNS que quere utilizar. Introduza enderezos de servidor DNS adicionais usando o botón +.

  8. Na sección Rutas, desactive o interruptor Automático. Escriba o Enderezo, a Máscara de rede, a Pasarela e a Métrica para a ruta que quere utilizar. Introduza rutas adicionais usando o botón +.

  9. Prema Gardar. Se non está conectado á rede, abra o menú do sistema desde a parte dereita da barra superior e conéctese. Probe as configuracións da rede tentando visitar un sitio web ou busque por ficheiros compartidos na rede, por exemplo.