Sortu saio pertsonalizatua

Konfigurazio pertsonalizatua duen zure saio propioa sortzeko, jarraitu honako urratsak:

  1. Sortu .desktop fitxategi bat /etc/X11/sessions/new-session.desktop direktorioan. Ziurtatu fitxategiak honako sarrerak dituela:

    [Desktop Entry]
Encoding=UTF-8
Type=Application
Name=Saio pertsonalizatua
Comment=Hau gure saio pertsonalizatua da
Exec=gnome-session --session=new-session

    Exec sarrerak exekutatuko den komandoa zehazten du. batzuetan argumentuak ere baditu. Saio pertsonalizatua exekutatzeko, gnome-session --session=new-session komandoa erabiliko duzu.

    gnome-session aplikazioan erabili ditzakezun parametroei buruzko informazio gehiagorako, ikusi gnome-session laguntza-orria.

  2. Sortu saio pertsonalizatu baterako fitxategia /usr/share/gnome-session/sessions/new-session.session kokalekuan, non saioaren izena eta behar diren osagaiak zehaztu daitezkeen:

    [GNOME Session]
Name=Saio pertsonalizatua
RequiredComponents=gnome-shell-classic;gnome-settings-daemon;

    Kontuan izan RequiredComponents barruan zehaztutako elementuek beren .desktop fitxategia izan behar dutela /usr/share/applications/ direktorioan.

Saio pertsonalizatuaren fitxategiak konfiguratu ondoren, saio berria GDMren saio-hasierako pantailako saioen zerrendan erakutsiko da.

Arazo ezagunak

Debian sistemetan edo Debianen oinarritutakoetan honako errorea gertatu daiteke:

Xsession: unable to launch ""
    Xsession --- "" not found; falling back to default
    session.

Hori gertatzen bazaizu, jarraitu honako urratsak /etc/X11/Xsession.d/20x11-common_process-args fitxategia aldatzeko:

  1. Aldatu STARTUP_FULL_PATH=$(/usr/bin/which "$1"|| true), idatzi STARTUP_FULL_PATH=$(/usr/bin/which $1 || true)

  2. Aldatu STARTUP="$1", idatzi STARTUP=$1