Lat appar starte automatisk ved pålogging

Når du loggar på, startar datamaskina automatisk nokre appar og køyrer dei i bakgrunnen. Dette er som regel viktige program som hjelper skrivebordsøkta di med å køyre knirkefritt.

Du kan bruke Tweaks-appen til å leggje til andre appar du brukar ofte, slik som nettlesarar eller redigeringar, i lista over appar som startar automatisk ved innlogging.

Du må ha Tweaks installert på datamaskina di for å endre denne innstillinga.

For å starte ein app automatisk ved innlogging:

  1. Opne Aktivitetar-oversynet og byrje å skrive Tweaks.

  2. Trykk på Tweaks for å opne appen.

  3. Klikk på Startup Applications-fana.

  4. Trykk på +-knappen for å få ei liste over tilgjengelege appar.

  5. Klikk Add for å leggje til ein app etter eige val i lista.

Du kan fjerne ein app frå lista ved å klikke på Remove-knappen ved sida av appen.