Slå av tilgang til kommandolinja

For å slå av tilgangen til kommandolinja for skrivebordsbrukaren må du gjere endringar i oppsettet fleire stader. Hugs at stega nedanfor ikkje fjernar løyvet skrivebordsbrukaren har til å bruke kommandolinja, men fjernar måtane skrivebordsbrukaren kan kome til kommandolinja på.

  • Set GSettings-nøkkelen org.gnome.desktop.lockdown.disable-command-line, som hindrar brukaren i å få tilgang til terminalen eller spesifisere ei kommandolinje som skal køyrast (kommandofeltet Alt+F2).

  • Hindre brukarar i å få tilgang til kommandofeltet Alt+F2.

  • Slå av byte til virtuelle terminalar (VT-ar) med snarvegane Ctrl+Alt+funksjonstast ved å endre oppsettet til X-tenaren.

  • Fjern Terminal og alle andre terminalappar frå Aktivitetar-oversynet i GNOME Shell. Du må også hindre brukaren i å installere ein ny terminalapp.

Slå av kommandofeltet

  1. Opprett user-profilen som inneheld desse linjene:

    /etc/dconf/profile/user

    user-db:user
system-db:local

    local er namnet på ein dconf-database.

  2. Opprett ein local-database for innstillingar for heile maskina i /etc/dconf/db/local.d/00-lockdown:

    # Oppgje dconf-stien
[org/gnome/desktop/lockdown]

# Slå av kommandofeltet
disable-command-line=true

  3. Overstyr innstillinga til brukaren og hindre brukaren i å endre ho i /etc/dconf/db/local.d/locks/lockdown:

    # List opp nøklane som vert brukte til å setje opp låsinga
/org/gnome/desktop/lockdown/disable-command-line

  4. Oppdater systemdatabasane:

    # dconf update

  5. Brukaren må logge ut og inn på nytt før systeminnstillingane vert gjeldande.

Slå av byte til virtuell terminal

Brukaren kan som regel bruke snarvegane Ctrl+Alt+funksjonstast (til dømes Ctrl+Alt+F2) for å byte frå GNOME-skrivebordet til ein virtuell terminal.

Dersom datamaskina køyrer X Window System, kan du slå av tilgangen til alle virtuelle terminalar ved å leggje til innstillinga DontVTSwitch i seksjonen Serverflags i ei X-oppsettfil i mappa /etc/X11/xorg.conf.d/.

  1. Opprett eller rediger ei X-oppsettfil i /etc/X11/xorg.conf.d/, til dømes /etc/X11/xorg.conf.d/10-xorg.conf:

    /etc/X11/xorg.conf.d/10-xorg.conf

    Section "Serverflags"

Option "DontVTSwitch" "yes"

EndSection

  2. Start X-tenaren på nytt for at endringane skal verke.