Kva tyder heap?

Dette tyder at sysprof trur ein funksjon vart kalla frå ein stad i programmet sitt heap (der malloc tildeler minne) heller enn frå kode-delen (der køyrbar kode vanlegvis ligg.) Det finst fleire moglege forklaringar.

Språk som Java kan lage køyrbar kode medan eit program køyrer og lagre han i heapen. Sysprof rapporterer situasjonen korrekt i dette tilfellet.

C- og C++-kompilatorar kan optimalisere bort informasjon som trengst for å avgjere kven som kallar ein funksjon, slik at han vert feilaktig tolka som [heap]. Du kan framleis sjå kor ofte kvar funksjon vert kalla av programmet, men ikkje alltid frå kvar.