Бағдарламалық қамтаманы лицензиялау

Қосымшалар «еркін/ашық бастапқы кодты бағдарламалық қамтама» немесе «меншікті» (proprietary) болуы мүмкін. Бұл сіздің пайдаланушы ретіндегі еркіндіктеріңізге әсер етеді. Егер қосымша еркін және ашық бастапқы кодты бағдарламалық қамтама (FOSS) болса, сізде оны пайдалану, көшіру, зерттеу және бастапқы кодын өзгерту еркіндігі болады. Меншікті бағдарламалық қамтама мұндай еркіндіктерді бермейді. FOSS бағдарламалық қамтамасы жиі тегін қолжетімді болады, бірақ бұл әрдайым солай бола бермейді.

FOSS бағдарламалық қамтамасының бастапқы коды қолжетімді болғандықтан, пайдаланушылар оны әзірлеуге қатыса алады, жаңа функциялар қоса алады немесе өз тілдеріне аудармалар жасай алады және оларға әсер ететін қателерді түзете алады. Олар кодты тексере алады және бағдарламалық қамтамадағы өзгерістердің қауіпті емес екеніне көз жеткізе алады. Олар бастапқы кодтан үйрене алады және оны өздерінің FOSS қосымшалары үшін негіз ретінде пайдалана алады.

FOSS қосымшалары — қоғамдық игілік.

Меншікті қосымшаларды пайдаланушылар тексере алмайды, сондықтан сіз қосымшаны әзірлеушілер сіздің мүдделеріңізді ойлайтынына және ешқандай мүдделер қақтығысы жоқтығына сенуіңіз керек.

FOSS-тың меншікті бағдарламалық қамтамадан артықшылықтары туралы көбірек оқыңыз.