Agordi dosierajn permesojn
Vi povas uzi dosierPermesojn por kontroli kiu povas vidi kaj redakti dosierojn kiujn vi posedas. Por vidi kaj agordi la Permesojn por dosiero, dekstre klaku ĝin kaj elektu Proprietaĵoj, poste elektu Permesoj.
Vidu Dosieroj kaj Dosierujo sube por detaloj pri la tipoj de Permesoj kiujn vi povas agordi.
Dosieroj
Vi povas agordi la Permesojn por la dosierposedanto, la grupposedanto kaj ĉiuj aliaj uzantoj de la sistemo. Por viaj dosieroj, vi estas la posedanto, kaj vi povas doni al vi mem nur-legadan aŭ legi-kaj-skribi Permeson. Agordu dosieron al nur-legada se vi ne volas hazarde ŝanĝi ĝin.
Ĉiu uzanto sur via komputilo apartenas al grupo. Sur hejmaj komputiloj, estas ofta ke ĉiu uzanto havas sian propran grupon, kaj grupaj Permesoj ne estas ofte uzataj. En firmaj medioj, grupoj estas foje uzataj por fakoj aŭ projektoj. Kiel havi posedanton, ĉiu dosiero apartenas al grupo. Vi povas agordi la grupon de la dosiero kaj kontroli la Permesojn por ĉiuj uzantoj en tiu grupo. Vi povas nur agordi la grupon de la dosiero al grupo al kiu vi apartenas.
Vi povas ankaŭ agordi la permesojn por uzantoj aliaj ol la posedanto kaj tiuj en la grupo de la dosiero.
Se la dosiero estas programo, kiel skripto, vi devas ŝalti la ŝaltilon Efektigebla kiel Programo por ruli ĝin. Eĉ kun ĉi tiu opcio elektita, la dosieradministranto ankoraŭ malfermos la dosieron en aplikaĵo. Vidu Ruleblaj tekstodosieroj por pli da informoj.
Dosierujo
Vi povas agordi Permesojn sur dosierujoj por la posedanto, grupo kaj aliaj uzantoj. Vidu la detalojn de dosier-Permesoj supre por klarigo de posedantoj, grupoj kaj aliaj uzantoj.
La permesoj kiujn vi povas agordi por dosierujo estas malsamaj ol tiuj kiujn vi povas agordi por dosiero.
- Nenio
La uzanto eĉ ne povos vidi kiaj dosieroj estas en la dosierujo.
- Nur listigi dosierojn
La uzanto povos vidi kiuj dosieroj estas en la dosierujo, sed ne povos malfermi, krei aŭ forigi dosierojn.
- Aliri dosierojn
La uzanto povos malfermi dosierojn en la dosierujo (kondiĉe ke ili havas Permeson fari tion sur la aparta dosiero), sed ne povos krei novajn dosierojn aŭ forigi dosierojn.
- Krei kaj forigi dosierojn
La uzanto havos plenan aliron al la dosierujo, inkluzive malfermante, kreante kaj forigante dosierojn.
Vi ankaŭ povas rapide agordi la dosierPermesojn por ĉiuj dosieroj en la dosierujo klakante Ŝanĝi Permesojn por Inkluzivitaj Dosieroj…. Uzu la falmenujojn por ĝusti la Permesojn de enhavitaj dosieroj aŭ dosierujoj, kaj klaku Ŝanĝi. Permesoj estas aplikataj al dosieroj kaj dosierujoj en subdosierujoj ankaŭ, al iu ajn profundo.