Aurkitu erabilerraztasun-menua
Erabilerraztasun-menuan erabilerraztasuneko ezarpenetako batzuk aktibatu daitezke. Menu horretara joateko, egin klik goiko barran pertsona baten itxura duen ikonoan.
Ez baduzu ikusten, Erabilerraztasuna ezarpenen panelean gaitu daiteke:
Ireki Jarduerak ikuspegia eta hasi Erabilerraztasuna idazten.
Sakatu Erabilerraztasuna panela irekitzeko.
Aktibatu Erabilerraztasun-menua aukera.
Menu honetara teklatuaren bidez iristeko, saguaren ordez, sakatu Ctrl+Alt+Tab teklatuaren fokua goiko barrara eramateko. Goiko ezkerreko izkinan dagoen Jarduerak botoia nabarmenduko da -horrek esaten du goiko barrako zein elementu dagoen hautatuta. Erabili teklatuko gezi-teklak hautatutako elementua erabilerraztasun-elementuaren ikonora eramateko eta, ondoren, sakatu Enter hura irekitzeko. Menuko elementuak hautatzeko, gorako eta beherako gezi-teklak erabili daitezke. Sakatu Enter hautatutako elementua aktibatzeko/desaktibatzeko.