Navigâ pal web

I navigadôrs web a puedin jessi doprâts par viodi pagjinis su internet cuant che si à une conession a internet. Par tacâ a navigâ pal web:

  1. Al inviament di Web, il cursôr al à di jessi intal cjamp di inseriment test de bande superiôr dal barcon. Inserìs il URL de pagjine web che tu desideris visitâ o i tiermins di ricercje.

  2. Frache il tast Invie par lâ ae pagjine web o par cirî.

Lis Schedis a son dopradis par viodi plui di une pagjine web intun barcon sôl. Cuant che tu inviis Web pe prime volte, no ti vignarà mostrade nissune schede. Par vierzi une gnove schede, frache il boton gnove schede in alt a çampe dal schermi. Une volte che la gnove schede e je vierte, tu puedis doprâle normalmentri come che tu dopraressis un gnûf barcon.

Tu puedis ancje doprâ la scurte di tastiere Ctrl+T par vierzi une gnove schede o il boton gnove schede in alt a çampe dal barcon.

Par vierzi un colegament intune gnove schede, fâs un clic diestri sul colegament, dopo selezione Vierç colegament intune gnove schede opûr dopre il boton centrâl dal mouse par fâ clic sul colegament.