Joan leiho batetik bestera

Exekutatzen ari diren eta interfaze grafikoa duten aplikazio guztiak leiho-aldatzailean agertzen dira. Horrela, zereginez aldatzea urrats bakarrean egin daiteke eta exekutatzen ari diren aplikazioen ikuspegi orokorra eduki daiteke.

Laneko area batetik:

  1. Sakatu Super+Tab leiho-aldatzailea erakusteko.

  2. Askatu Super tekla aldatzailean nabarmendutako hurrengo leihoa hautatzeko.

  3. Beste modu bat laster-teklak erabiltzea da. Eutsi sakatuta Super teklari, sakatu Tab irekita dauden leihoen zerrendan aurrerantz joateko, edo Shift+Tab atzerantz joateko.

Leiho-aldatzaileko leihoak aplikazioaren arabera daude taldekatuta. Leiho anitz dituzten aplikazioen aurrebistak beherantz irekiko dira klik egitean. Eutsi sakatuta Super teklari eta sakatu ` (edo Tab gaineko tekla) zerrendan leiho batetik bestera joateko.

Leiho-aldatzailean aplikazio-ikono batetik bestera mugitzeko beste modu bat → edo ← teklak erabiltzea dira. Saguarekin haietako bat hautatzea ere badago.

Leiho bakarreko aplikazioen aurrebistak ikusteko, erabili ↓ tekla.

Jarduerak ikuspegian, egin klik leiho batean hartara joateko eta ikuspegi orokorra uzteko. Laneko area anitz irekita baduzu, egin klik haietako bakoitzean bertan irekita dauden leihoak ikusteko.