Aldatu zein hizkuntza erabiliko duzun
Mahaigaina eta aplikazioak hainbat hizkuntzatan erabili dezakezu, ordenagailuan horretarako pakete egokiak instalatuta badituzu.
Ireki Jarduerak ikuspegia eta hasi Sistema idazten.
Emaitzetan, hautatu Ezarpenak ▸ Sistema. Horrek Sistema panela irekiko du.
Hautatu Eskualdea eta hizkuntza panela irekitzeko.
Zure kontua atalean, egin klik Hizkuntza aukeran.
Hautatu erabili nahi duzun eskualdea eta hizkuntza. Zure eskualdea eta hizkuntza zerrendan ez badaude, egin klik zerrendaren amaierako
aukeran, erabilgarri dauden eskualde eta hizkuntza guztien zerrenda ikusteko.Sakatu Hautatu aldaketak gordetzeko.
Saioa berrabiarazi behar duzu aldaketak indarrean sartu daitezen. Egin klik Berrabiarazi… aukeran edo hasi saioa eskuz geroago.
Zenbait itzulpen osatu gabe egon daitezke, eta aplikazio batzuk ez dute zure hizkuntza onartuko. Itzuli gabeko testuak softwarea jatorriz garatzeko erabili zen hizkuntzarenak izango dira, normalean AEBetako ingelesa.
Zure karpeta nagusietako zenbait karpetak musika, irudiak eta dokumentuak gordetzen dituzte. Karpeta horiek izen estandarrak dituzte, zure hizkuntzaren araberakoak. Saioa berriro hastean, karpeta horien izenak aldatu eta zure hizkuntzakoak erabili nahi dituzun galdetuko dizu sistemak. Hizkuntza berria betiko erabiliko baduzu, izen horiek eguneratu egin beharko zenituzke.
Sistemak erabiltzaile-kontu bat baino gehiago badu, horietako bakoitzak Saio-hasierako pantaila aukera bana izango du Eskualdea eta hizkuntza panelean.