Суреттерді ашу
Файлдарды ашу
Файлдарды таңдау терезесінен
Суреттерді қарау құралы пайдаланушыларға кез келген уақытта файлдарды таңдау терезесі арқылы суреттерді таңдауға мүмкіндік береді.
Файлдарды ашу… батырмасын, Ашу… мәзір элементін басыңыз немесе Ctrl+O пернелерін басыңыз. Суретті ашу файлдық сұхбат терезесі пайда болады.
Ашқыңыз келетін суретті таңдап, Ашу батырмасын басыңыз.
Суреттерді қарау құралы таңдалған суретті көрсете отырып ашылады, ал бумадағы басқа суреттерге шолу арқылы қол жеткізуге болады.
Файлдар менеджерінен
Пайдаланушылар суреттерді файлдар менеджерінен тікелей Loupe-та аша алады.
Қалаған файлдар менеджері қолданбасын ашыңыз.
Loupe-та қарағыңыз келетін суретке өтіңіз.
Егер Суреттерді қарау құралы әдепкі сурет қарау құралы ретінде орнатылған болса, файлдар менеджерінің файлдарды ашу функциясын пайдаланыңыз.
Егер Суреттерді қарау құралы әдепкі сурет қарау құралы болмаса, файлдар менеджерінде Көмегімен ашу… немесе соған ұқсас элементті таңдап, Суреттерді қарау құралын таңдауыңыз керек болады.
Сүйреп апару және тастау
Суреттерді қарау құралы басқа қолданбалардан сүйреп апарылған жергілікті сурет файлдарын да қабылдайды.
Бастапқы қолданбада суретті сүйрей бастаңыз.
Суретті Loupe негізгі терезесінің үстіне сүйреңіз. Көк түспен ерекшеленген аймақ пайда болуы керек.
Суретті негізгі терезенің үстінде тұрғанда тастаңыз.
Шолу
Суретті файлдарды таңдау терезесінен немесе файлдар менеджерінен ашқан кезде, Loupe суреттің ата-аналық бумасындағы басқа файлдарды жүктеп, оларды әліпби ретімен сұрыптайды. Пайдаланушылар бумадағы басқа суреттерді Алдыңғы сурет (
) және Келесі сурет (
) батырмалары арқылы шола алады.
Пернетақта пайдаланушылары Пернетақта жарлықтары сұхбат терезесінде көрсетілген тиісті жарлықтарды да пайдалана алады.