Dependendo do seu hardware, pode cambiar o brillo da súa a pantalla para aforrar enerxía ou incrementar o brillo para facela máis lexíbel en condicións de moita luz ambiental.
Para cambiar o brillo da pantalla, prema o menú do sistema na parte dereita da barra superior e mova o control deslizante de volume ao valor que queira usar. O cambio aplicarase inmediatamente.
Moitos portátiles teñen teclados con teclas especiais para axustar o brillo. Estas teñen unha imaxe que parece un sol e están localizadas nas teclas de función na parte superior. Manteña premida a tecla Fn para usar estas teclas.
Tamén pode axustar o brillo da pantalla usando o panel Enerxía.
Abra a vista de Actividades e comece a escribir Enerxía.
Prema Enerxía para abrir o panel.
Axuste o deslizador Brillo de pantalla ao valor que quere usar. O cambio debería aplicarse inmediatamente.
Se o computador conta con un sensor de luz integrada, o brillo de pantalla axustarase automaticamente. Pode desactivar o brillo de pantalla automático no panel Enerxía.
É posíbel configurar o brillo da súa pantalla, tamén pode facer que se escureza a pantalla automaticamente para aforrar enerxía. Para obter máis información vexa Porqué a pantalla escurece logo duns segundos?.
Got a comment? Spotted an error? Found the instructions unclear? Send feedback about this page.
